សម្តេច ហ៊ុន សែន បានបញ្ចេញប្រតិកម្មទៅលើលោក ពេជ្រ ស្រស់ ប្រធានគណបក្សយុវជនកម្ពុជា ដែលបានអះអាងថាពេលឡើងកាន់ដំណែងជានាយករដ្ឋមន្រ្តី ប្រើពេលតែ៨ម៉ោងប៉ុណ្ណោះ ដើម្បីបណ្តេញជនអន្តោប្រវេសន៍ចេញពីកម្ពុជាឲ្យអស់។
ការថ្លែងបែបនេះធ្វើឡើង នៅព្រឹកថ្ងៃពុធ ៨រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៦ ខែមិថុនា ឆ្នាំ២០១៨ នេះ សម្តេច ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញចុះជួបសំណេះសំណាលសួរសុខទុក្ខបងប្អូនកូនក្មួយកម្មករ កម្មការនីប្រមាណ ២២ ៤៧០នាក់ មកពីរោងចក្រ សហគ្រាស ចំនួន៨ ស្ថិតក្នុភូមិរវាង ឃុំថ្នល់ដំបង ស្រុកជើងព្រៃ ខេត្តកំពង់ចាម។
រោងចក្រ សហគ្រាស ដែលអនុញ្ញាតឲ្យកម្មករ កម្មការិនីជួបសំណេះសំណាលជាមួយសម្តេច ហ៊ុន សែន នៅព្រឹកនេះ មកពីស្រុកជើងព្រៃចំនួន៧ និងស្រុកបាធាយចំនួន១ ដែលមានអ្នកវិនិយោគមកពីប្រទេសចិនចំនួន៦, កាណាដាចំនួន១ និងខ្មែរចំនួន១។ រោងចក្រ សហគ្រាសទាំង៨នេះ មានរោងចក្រកាត់ដេរសម្លៀកបំពាក់ចំនួន១, ផលិតស្បែកជើងចំនួន៥, ផលិតស្រោមដៃចំនួន១ និងផលិតការ៉ុងចំនួន១។ ផលិតផលដែលផលិតចេញពីរោងចក្រ សហគ្រាសទាំងនេះ ត្រូវបាននាំចេញទៅកាន់ទីផ្សារអន្តរជាតិ និងមួយចំនួនផ្គត់ផ្គង់ទីផ្សារក្នុងប្រទេស។
សូមរំលឹកថា លោក ពេជ្រ ស្រស់ ប្រធានគណបក្សយុវជនកម្ពុជា បានសន្យាថាពេលឈ្នះឆ្នោតដឹកនាំរដ្ឋាភិបាល លោកប្រើពេលតែ៨ម៉ោង ដើម្បីបណ្តេញជនអន្តោប្រវេសន៍ចេញពីកម្ពុជាឲ្យអស់។