header ads

Sponsor

អាម៉ាប៉ាប៉ាញ៉ូស

ស្វាយរៀងៈ បុរសម្នាក់ជាតៃកុងរថយន្ត បានរងរបួសស្រាល ដោយសារបើកបរងងុយដេកហើយវ៉ាក់អើ និងរថយន្តមួយគ្រឿងទៀត ក៏ជ្រុលទៅបុករថយន្តកុងតឺន័រមួយគ្រឿងទៀត  ដែលបែកកង់ឈប់នៅ​ជិតចិញ្ចើម​ផ្លូវ បណ្ដាឲ្យតៃកុងរងរបួសស្រាល។

គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង៥៖១០នាទីព្រឹកថ្ងៃទី១ ខែមិថុនា​ ឆ្នាំ២០១៨ ផ្លូវជាតិលេខ១​ ចន្លោះគីឡូម៉ែត្រ​ 134/135 ស្ថិតនៅភូមិសាមគ្គី សង្កាត់ស្វាយតឿ ក្រុងស្វាយរៀង​ ខេត្តស្វាយរៀង។

សមត្ថកិច្ច បានឲ្យដឹងថា គ្រោះ​ថ្នាក់ចរាចរណ៍នេះ ​​បង្កឡើង​ដោយកុងតឺន័រ ក្រុងហ៊ុ​ន OLAIR ពណ៌បៃតង ស្លាកលេខភ្នំពេញ 3A-4491 បើកបរដោយឈ្មោះ ហ៊ឹម​ ចាន់ម្លោ ភេទប្រុស អាយុ ២៧ឆ្នាំ មុខរបរបើកបរ ជនជាតិខ្មែរ រស់នៅភូមិបេង ឃុំព្នាយ ស្រុកសំរោងទង ខេត្តកំពង់ស្ពឺ រងរបួសស្រាល ធ្វើដំណើរទិសដៅពីលិចទៅកើត​ លុះ​មកដល់កន្លែងកើតហេតុខាងលើ បានជ្រុលទៅបុករថយន្តកុងតឺន័រ ពណ៌​ស ពាក់​ស្លាកលេខ 51C 490.89 ដែលឈប់នៅចិញ្ចើមផ្លូវខាងត្បូង(បែកកង់) បើកបរដោយឈ្មោះ វៀង សុនដូរ ភេទប្រុស អាយុ​៣៦ឆ្នាំ ជនជាតិវៀតណាម មុខរបរបើកបរ រស់នៅប្រទេសវៀតណាម គ្មានរងរបួសស្នាម។

ក្រោយពីកើតហេតុសមត្ថកិច្ចចុះមកជួយសម្រួលចរាចរណ៍ និងយករថយន្តទាំង២គ្រឿងយកមករក្សារទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តស្វាយរៀង៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post