ភ្នំពេញៈ សម្តេចក្រឡាហោម ស ខេង បានចេញលិខិតសរសើរជូនដល់ប៉ុស្តិ៍នគរបាលច្រកព្រំដែនអន្តរជាតិត្រពាំងក្រៀល ដែលបានបង្ក្រាបករណីដឹកជញ្ជូនគ្រឿងញៀនដ៏ធំ នៅចំណុចច្រកទ្វារព្រំដែនអន្តរជាតិត្រពាំងក្រៀល ក្នុងខេត្តស្ទឹងត្រែង។
សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅថ្ងៃពុធ ទី២៧ ខែមិថុនា ឆ្នាំ២០១៨នេះ បានចេញសារលិខិតសរសើរដល់បណ្តានគរបាលនៃប៉ុស្តិ៍នគរបាលច្រកព្រំដែនអន្តរជាតិត្រពាំងក្រៀល នៃអគ្គនាយកដ្ឋានអន្តោប្រវេសន៍ ដែលមានស្នាដៃយ៉ាងធំធេង ក្នុងការបង្ក្រាបករណីដឹកជញ្ជូនគ្រឿងញៀនប្រភេទមេតំហ្វេតាមីនគ្រីស្តាល់ ហៅម៉ាទឹកកកដ៏ធំ ចំនួន១២០គីឡូក្រាម កាលពីថ្ងៃទី២៦ ខែមិថុនាឆ្នាំ២០១៨ នៅចំណុចច្រកទ្វារព្រំដែនអន្តរជាតិត្រពាំងក្រៀល ក្នុងខេត្តស្ទឹងត្រែង (ព្រំដែនកម្ពុជា-ឡាវ)៕