Monday, June 4, 2018

ឪពុក​រន្ធត់ចិត្ត និងសោកស្ដាយយ៉ាង​ណាស់ ខំ​ប្រឹង​លី​​កូនស្រី​ដែលលង់ទឹក ទៅ​​មណ្ឌល​សុខភាព​​ ចុងក្រោយ​បានត្រឹមឮពាក្យ ពីគ្រូពេទ្យថា​ នាង​​​ស្លាប់​ហើយ

អាម៉ាប៉ាប៉ាញ៉ូស

កំពង់ឆ្នាំង​ ៖​ទៀតហើយ ហេតុការណ៍លង់ទឹកកាលពី​ម៉ោង​១០ និង ២០ នាទី​ព្រឹក​ថ្ងៃទី​០២ ខែមិថុនា ឆ្នាំ​២០១៨ កុមារី​អាយុ ​១០​ឆ្នាំ​ម្នាក់ បាន​លង់​ទឹកស្រះ​ស្លាប់ ខណៈ​នាង​ចុះ​ងូត​លេង​ក្នុង​ទឹកស្រះ នៅក្នុង​សាលា​វិទ្យាល័យ​ហ៊ុនសែន កំពង់ត្រឡាច ក្នុង​ឃុំ​អូ​ឬ​ស្សី ឃុំ​កំពង់ត្រឡាច ស្រុក​កំពង់ត្រឡាច​។

បើតាមប្រភពពីសមត្ថកិច្ចបានឲ្យដឹងថា កុមារី​រងគ្រោះខាងលើនេះ ​មានឈ្មោះ សុខ ស៊ី​ណាវី អាយុ​១០ ឆ្នាំ ​ឪពុក​ឈ្មោះ សុខ ចំរើន ម្ដាយ​ឈ្មោះ កែវ សុខា មាន​ទីលំនៅ​ភូមិ​សាលា​លេខ​ប្រាំ ឃុំ​អូរឫស្សី ស្រុក​កំពង់ត្រឡាច មាន​មុខរបរ​លក់ដូ​រ នៅក្នុង​សាលា​វិទ្យាល័យ​កើតហេតុ​ខាងលើ។

នៅមុន​ពេល​កើតហេតុ ​កុមារី​រងគ្រោះ​បាន​ទៅលេង​ស្រះ​ទឹក ក្នុង​វិទ្យាល័យ​ខាងលើ ជាមួយ​ក្មេងៗ មួយចំនួនទៀត តែខណៈនោះ​ក្មេងស្រី​រងគ្រោះ​ បាន​រអិល​ធ្លាក់ចូល​ទឹក​ជ្រៅ​បណ្ដាល​ឲ្យ​លង់ ភ្លាមៗនោះដែរ ក្មេងៗ​លេង​ទឹក​ជាមួយ ក៏បានរ​ត់​ទៅ ហៅ ឪពុកម្ដាយ​ដែល​កំពុង​ទៅ​លក់ដូរ នៅក្នុង​វិទ្យាល័យ ​តែទម្រាំ​មនុស្ស​ចាស់​ទៅដល់ ហើយ​ចុះទៅ​រាវ ក៍​ឃើញ​កុមារី​រងគ្រោះ​នោះ បាន​លង់ទឹក​ស្លាប់បាត់ទៅ​ហើយ តែឪពុក ម្ដាយនៅ ​មិន​អស់ចិត្ត មក​ក៏បាន​នាំ​កុមារី​រងគ្រោះ ជាមួយ​សមត្ថកិច្ច ទៅ​សង្គ្រោះ នៅ​មណ្ឌល​សុខភាព​ នៅស្រុក​កំពង់ត្រឡាច ប៉ុន្តែគ្រូពេទ្យ​ប្រាប់ថា នាង​បាន​ស្លាប់​ទៅហើយ ។

ក្រោយមក​សព​កុមារី​រងគ្រោះ ត្រូវបាន​ក្រុមគ្រួសារ យកទៅ​ធ្វើបុណ្យ​តាម​ប្រពៃណី ទាំងក្តី​សោកស្តាយ​ជាពន់ពេក៕

@Amapapa.News

Feature Ads