នៅថ្ងៃទី០៧ ខែមិថុនា ឆ្នាំ២០១៨ លោក គន់ គីម សមាជិកអចិន្ត្រៃយ៍គណបក្សប្រជាជនកម្ពុជា និងជាប្រធានក្រុមការងារថ្នាក់ជាតិចុះជួយខេត្តឧត្តរមានជ័យ បានជួបសំណេះសំណាលជាមួយប្រជាពលរដ្ឋបីភូមិ ក្នុងឃុំអន្លង់វែង ស្រុកអន្លង់វែង ខេត្តឧត្តរមានជ័យ។ គោលបំណងនៃជំនួបនេះដើម្បីទទូលយកសំណូមពរនូវបញ្ហាផ្សេងរបស់ប្រជាពលរដ្ឋ។
បន្ទាប់ពីស្តាប់សំណូមពរ និងមតិយោបល់របស់ប្រជាពលរដ្ឋ រួចមក ឯកឧត្តម គន់ គីម បានស្នើឱ្យក្រុមការងារគណបក្សប្រជាជនកម្ពុជានៅមូលដ្ឋាន និងអាជ្ញាធរភូមិ ឃុំ ត្រូវចុះទៅពិនិត្យជាក់ស្តែង និងដោះស្រាយភ្លាមៗ បើក្នុងករណីហួសសមត្ថភាពរបស់ខ្លួន ត្រូវរាយការណ៍មកលើសុំការដោះស្រាយពីថ្នាក់លើតាមលទ្ធភាពជាក់ស្តែងឱ្យទាន់ពេលវេលា។
ចំពោះតម្លៃអគ្គិសនី លោកប្រធានក្រុមការងារបានប្រាប់ប្រជាពលរដ្ឋថា៖ អគ្គិសនីកម្ពុជា បានសម្របសម្រួលជាមួយក្រមហ៊ុនឯកជន ត្រូវយកតាមតម្លៃរដ្ឋ ចាប់ពីខែកក្កដា ឆ្នាំ២០១៨ ខាងមុខនេះ ដោយរដ្ឋជាអ្នកបង់ថ្លៃលម្អៀងជូន។
នៅចុងបញ្ចប់ ឯកឧត្តម គន់ គីមក៏បានថ្លែងអំណរគុណចំពោះប្រជាពលរដ្ឋដែលតែងតែចូលរួមបោះឆ្នោតគាំទ្រគណបក្សប្រជាជនកម្ពុជាក្នុងអាណត្តិកន្លងមក និងស្នើឱ្យបន្តបោះឆ្នោតជូនគណបក្សប្រជាជនកម្ពុជា ទៀត។
