Saturday, June 9, 2018

បោះពុម្ពមកធ្វើអី? គណៈកម្មការវត្ត យកក្រដាសប្រាក់ ១០០រៀលទៅបង់ថ្លៃភ្លើង តែអគ្គិសនី បដិសេធមិនទទួលយក

អាម៉ាប៉ាប៉ាញ៉ូស

បើយោងតាមគណនីហ្វេសប៊ុក លោកតា ម៉េង ដែលជាគណៈកម្មាធិការ វត្តទួលពង្រ​ បានហួសចិត្ត និងមានអាម្មរណ៍ថាមិនពេញចិត្តសោះ ទាក់ទងនឹងរឿងមួយ ខណៈលោកតា យកក្រដាសប្រាក់ជាង ៥០ម៉ឺន​រៀល ប្រមូលផ្តុំដោយក្រដាសប្រាក់ ១០០រៀល ដើម្បីទៅបង់ភ្លើង តែត្រូវអគ្គីសនីកម្ពុជា បដិសេធមិនទទួលយកលុយនោះឡើយ ដោយលោកបង្ហោះឡើងលើគណនីហ្វេសប៊ុកថា ៖

វត្តទួលពង្រ ភូមិស្វាស យកប្រាក់ក្រដាសមួយរយរៀលទៅបង់ភ្លើង ចំនួន ៥១៩៧០០រៀល គេអត់យក វេចលុយមកវត្តវិញខ្មាសគេណាស់....

ជាមួយគ្នានោះលោកបានចោទជាសំណួរថា «តើធនាគារជាតិបោះពុម្ពលុយ ១០០រៀល មកធ្វើអ្វី?»

ទាក់ទិនរឿងនេះ មជ្ឈដ្ឋានទូទៅបានលើកឡើងស្រដៀងៗគ្នាថា «មិនគួរណាអគ្គីសនីកម្ពុជាមិនទទួលអញ្ចឹងទេ! ក្នុងប្រទេសខ្មែរ មិនឲ្យចាយលុយរៀល​តើឲ្យចាយលុយអ្វីទៅ?»។ 

រីឯម្ចាស់គណនីហ្វេសប៊ុកឈ្មោះ «Chhorvorn Chhorn» បានបញ្ចេញយោបលក្នុងនាមជាអ្នកសម្របសម្រួលថា «រឿងនេះដឹងថាខាង EDC ខុសហើយ តែយើងគួរគិតផងថាវាសមអត់ទេ កន្លែង EDC មមាញឹកណាស់ ហើយបុគ្គលិកក៏មិនច្រើនដែរមិនអាចមករាប់តែលុយយើងបានទេ»។

@Amapapa.News

Feature Ads