អាម៉ាប៉ាប៉ាញ៉ូស
សៀមរាបៈ ជនសង្ស័យម្នាក់ ពាក់ព័ន្ធករណីចាប់ជំរិតក្មេងស្រីម្នាក់ ដើម្បីទារប្រាក់ ត្រូវបានសមត្ថកិច្ច២ខេត្ត សហការគ្នាធ្វើការឃាត់ កាលពីម៉ោង១០៖៣០នាទីព្រឹកថ្ងៃទី៦ មិថុនា ២០១៨ នៅចំណុចផ្ទះសំណាក់ប៉ូវអី ស្តុបបេនឡានចុងកៅស៊ូ ភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប។
ប្រតិបត្តិការនេះ ត្រូវបានកម្លាំងនគរបាលការិល័យព្រណ្មទណ្ឌកម្រិតធ្ងន់ខេត្តបាត់ដំបង សហការជាមួយកម្លាំងនគរបាលការិយាល័យព្រណ្មទណ្ឌសម្រិតធ្ងន់ខេត្តសៀមរាប ដឹកនាំដោយ លោកឧត្តមសេនិយ៍ត្រី ភឹង ចិន្តារ៉េត ស្នងការរងទទួលបន្ទុកផែនព្រណ្មទណ្ឌ។
លោកវរសេនីយ៍ទោ អូន ហ្វៃ នាយការិយាល័យព្រណ្មទណ្ឌកម្រិតធ្ងន់ខេត្តបាត់ដំបង បានឲ្យដឹងថា ជនសង្ស័យឈ្មោះ វ៉ន ទីក (ហៅ ទី) ភេទប្រុស អាយុ៣៤ឆ្នាំ មុខរបរកម្មករ ធ្វើការនៅថៃ។ ចំណែកក្មេងស្រីរងគ្រោះ ឈ្មោះ ពន សុភា អាយុ៩ឆ្នាំ រស់នៅជាមួយម្តាយ ជាកម្មករនៅប្រទេសថៃ ។
សូមបញ្ជក់ផងដែរថា ជនសង្ស័យបានចាប់ក្មេងស្រីរងគ្រោះនៅចំណុចច្រកឡែម ជាប់ព្រំដែនថៃ កាលពីថ្ងៃទី៣ មិថុនានេះ ក្រោយធ្វើសកម្មភាពរួចជនសង្ស័យបានរត់គេចមកខេត្តសៀមរាប។ ពេលនេះសមត្ថកិច្ចកំពុងសាកសួរបន្ត ដើម្បីចាត់ការតាមច្បាប់៕
