Wednesday, June 6, 2018

លោក អេង ឆៃអ៊ាង និងលោក យ៉ែម បុញ្ញឬទ្ធិ នឹងធ្វើជាវាគ្មិនក្នុងវេទិកាពិភាក្សា ក្រោមប្រធានបទ ដំណោះស្រាយរបស់បក្សប្រឆាំងចំពោះការបោះឆ្នោត

រិទ្ធី

នៅ​យប់ថ្ងៃ​ពុធ ​ទី​៦ ខែ​មិថុនា នេះ​ ​ចាប់ពី​ម៉ោង​៧:៣០ ដល់​ម៉ោង​៨:៣០ លោក អេង ឆៃអ៊ាង អតីតអនុប្រធានអតីត​គណបក្ស​សង្គ្រោះជាតិ និង​លោក យ៉ែម ប៉ុញ្ញឫទ្ធិ អតីតតំណាងរាស្រ្តអតីតគណបក្សប្រឆាំង នឹង​អញ្ជើញ​​ចូលរួម ក្នុង​កម្មវិធី​នាទី​វេទិកា​អ្នក​ស្ដាប់​អាស៊ីសេរី​ ដើម្បី ប្រកាស​ប្រាប់អំពី​លទ្ធផល​នៃ​កិច្ចប្រជុំ ស្តីពីដំណោះស្រាយ​របស់បក្សប្រឆាំងចំពោះការបោះឆ្នោត​។ សូមជម្រាបថាកម្មវិធី​នេះ សម្របសម្រួល​ដោយ លោក ជុន ច័ន្ទបុត្រ។  នេះបើយោងតាមការផ្សព្វផ្សាយរបស់វិទ្យុអាស៊ីសេរីជាភាសាខ្មែរ។

សូមរំលឹកថា៖ គណៈកម្មាធិការ​អចិន្ត្រៃយ៍​នៃអតីត​គណបក្ស​សង្គ្រោះ​ជាតិ រួមទាំង​អតីតតំណាងរាស្ត្រ​មួយចំនួន បាន​បើក​កិច្ចប្រជុំ​ពិសេស​មួយ នៅ​រដ្ឋធានី​វ៉ាស៊ីនតោន សហរដ្ឋអាមេរិក ជជែក​ពី​យុទ្ធសាស្ត្រ និង​ការ​ស្វែងរក​ដំណោះស្រាយ ដើម្បី​ឲ្យ​ប្រទេស​កម្ពុជា មាន​ការ​បោះឆ្នោត​មួយ នាថ្ងៃទី២៩ ខែកក្កដា ឆ្នាំ២០១៨ ខាងមុខនេះ ទៅតាម​លទ្ធិប្រជាធិបតេយ្យ សេរី ត្រឹមត្រូវ និង​យុត្តិធម៌។

អ្នកស្រី មូរ សុខហួរ អតីតអនុប្រធានអតីត​គណបក្ស​សង្គ្រោះជាតិ បានឱ្យដឹងថា កិច្ចប្រជុំ​នេះ ធ្វើឡើង​រយៈពេល​២​ថ្ងៃ គឺ​នៅថ្ងៃទី​៤-​៥ ខែមិថុនា ឆ្នាំ២០១៨។ ហើយ​កិច្ចប្រជុំ​នេះ គណៈកម្មាធិការ​អចិន្ត្រៃយ៍ នឹង​ធ្វើ​របាយការណ៍​សរុប ក្រោយ​កិច្ចប្រជុំ​បានបញ្ចប់។
 

@Amapapa.News

Feature Ads