Saturday, June 2, 2018

មន្រ្តីជាន់ខ្ពស់អូស្រ្តាលី៖ សម្ដែងការព្រួយបារម្ភពីការបោះឆ្នោតនៅកម្ពុជា ខណៈ ពេលដែល គ្មានវត្តមានអតីតគណបក្សប្រឆាំងធំជាងនៅកម្ពុជា

ដោយ៖ អាម៉ាប៉ាប៉ាញ៉ូស

ភ្នំពេញ៖លោកស្រី ជូលី ហិចឆ័រ មន្រ្តីនាយកដ្ឋានកិច្ចការបរទេស នៃក្រសួងការ បរទេសអូស្រ្តាលី បានសម្ដែងការព្រួយបារម្ភ មានការបារម្ភខ្លាំងពីដំណើរការ បោះឆ្នោត នៅកម្ពុជា ដែលគ្មានវត្តមានគណបក្សប្រឆាំង «គណបក្សសង្រ្គោះជាតិ» ចូលរួមដែលធ្វើឲ្យ ដំណើរការបោះឆ្នោតនេះ កាលពីថ្ងៃទី១ ខែមិថុនា ឆ្នាំ២០១៨។

 ដោយលោកស្រីបានថ្លែង ប្រាប់គណៈកម្មាធិការកិច្ចការបរទេស ការពារជាតិ និងពាណិជ្ជកម្ម នៃព្រឹទ្ធសភាអូស្រ្តាលី ដែលចោទសួរមន្រ្តីក្រសួងការបរទេស ចំពោះវិធាន ការណ៍ មកលើរដ្ឋាភិបាលកម្ពុជា លោកស្រី ជូលី ហិចឆ័រ បានថ្លែងថា« ដំណើរការបោះ ឆ្នោត នៅកម្ពុជាពេលខាងមុខ នឹងមិនអាចជឿទុកចិត្តបានទេ ដរាបណាមេដឹកនាំគណបក្ស ប្រឆាំងត្រូវបានបន្តឃុំខ្លួន ហើយគណបក្សប្រឆាំងមិនត្រូវអនុញ្ញាតិ ឲ្យចូលរួមបោះឆ្នោត។ រដ្ឋាភិបាលអូស្រ្តាលី នឹងបន្តយកចិត្តទុកដាក់ខ្ពស់ ក្នុងការតាមដានស្ថានការណ៍ នយោបាយនៅកម្ពុជា នៅមុនការបោះឆ្នោតជាតិ នាខែកក្កដា ខាងមុខនេះ»។

បើតាមលោកស្រី ជូលី ហិចឆ័រ រដ្ឋាភិបាលអូស្រ្តាលី ក៏កំពុងតែពិចារណាបិទ ទិដ្ឋាការចំពោះមន្រ្តីជាន់ខ្ពស់ របស់រដ្ឋាភិបាលកម្ពុជា ដែលពាក់ព័ន្ធក្នុងការរំលោភសិទ្ធិ មនុស្ស និងបំផ្លាញដល់មូលដ្ឋានគ្រឹះនៃលទ្ធិប្រជាធិបតេយ្យនៅកម្ពុជាផងដែរ។

 តែទោះជាយ៉ាងណាក្ដី លោក សុខ ឥសាន អ្នកនាំពាក្យគណបក្សប្រជាជនកម្ពុជា បានថ្លែងប្រាប់វិទ្យុបរទេសមួយ ដោយលោកបានចាត់ទុកការលើកឡើង របស់មន្រ្តីក្រសួង ការបរទេសអូស្រ្តាលីថាជាការជ្រៀតជ្រែកកិច្ចការផ្ទៃក្នុងកម្ពុជា និងថាមតិរបស់លោកស្រី ជូលី គ្រាន់តែមតិរបស់មន្រ្តីថ្នាក់ទាបប៉ុណ្ណោះ ពោលវាមិនមែនជាជំហររបស់រដ្ឋា ភិបាល អូស្ត្រាលីនោះទេ។

  គួបញ្ជាក់ថា បន្ទាប់ពីគណបក្សសង្រ្គោះជាតិ ត្រូវបានតុលាការកាត់រំលាយ មាន តែសហរដ្ឋអាមេរិកម្នាក់ប៉ុណ្ណោះ ដែលបានចេញមុខ មុនគេក្នុងការបិទទិដ្ឋាការ ដល់មន្រ្តី ជាន់ខ្ពស់ក្រសួងការបរទេសកម្ពុជា ខណៈក្រុមតំណាងរាស្រ្តរបស់ប្រទេស មហាអំណាច មួយនេះ កំពុងដំណើរការធ្វើច្បាប់បង្កកទ្រព្យសម្បត្តិ របស់ក្រុមមន្រ្តី ជាន់ខ្ពស់កម្ពុជាថែម ទៀតផង៕

@Amapapa.News

Feature Ads