បន្ទាយមានជ័យ: អតីតព្រះចៅអធិការវត្តភ្នំបាក់លើដែលកំពុងតែល្បីល្បាញក្នុងសង្គមហ្វេសប៊ុកថាបានលបលួចឆាន់សាច់ស្រស់ក្រៅវត្តត្រូវសមត្ថកិច្ចឃាត់ហើយនៅរសៀលថ្ងៃទី០៥ខែមិថុនាឆ្នាំ២០១៨នេះក្រោយពីធ្វើការសឹកបានតែត្រឹមប៉ុន្មាននាទីប៉ុណ្ណោះ។
សូមបញ្ជាកផងដែរថា នៅព្រឹកម៉ិញនេះគណ:កម្មារការសង្ឃរួមនិងមន្ទីរធម្មការនិងសាសនាខេត្តបន្ទាយមាជ័យបានបើកការស៊ើបសួររវាងអតីតព្រះចៅអធិការ ស្រិល វណ្ណា និងនារីវ័យក្មេង កាយ លីតា ដើម្បីធ្វើការសម្រេចនិងបញ្ចប់មន្ទិលផ្សេងៗរបស់អ្នករិះគន់តាមបណ្តាញសង្គម។ ពិធីនោះរៀបចំដោយតម្រូវអោយអ្នកពីរផឹកនូវទឹកសម្បថដើម្បីនិយាយពាក្យពិត។
នារីវ័យក្មេងឈ្មោះ កាយ លីតា អាយុ១៨ឆ្នាំ រស់នៅក្នុងក្រុងប៉ោយប៉ែតបានអះអាងនៅចំពោះគណះកម្មការសង្ឃ អាចារ្យ មន្ទីរ និងអ្នកយកព៌មានថា ការដែលនាងបង្ហោះនូវរឿងរ៉ាវពាក់ព្ធ័នជាព្រះចៅអធិការវត្តភ្នំបាក់លើព្រះនាម ស្រិល វណ្ណា គឺបណ្តាលពីលោកគេចវេសមិនទទួលខុសត្រូវលើទង្វើដែលលោកបានធ្វើគឺចាប់រំលោភនាងបានសម្រេចមួយលើកនៅក្នុងផ្ទះរបស់ខ្លួនកាលពីអំឡុងពាក់កណ្តាលខែឧសភាកន្លងទៅ។ នាងបន្តថា នាងបានព្យាយាមទាក់ទងតាមទូរសព្ទ័ជាច្រើនដផងដែរទៅអតីតចៅអធិការដើម្បីជួបនិយាយដោះស្រាយតែដូចជាគ្មានសង្ឃឹមសោះទើបធ្វើបែបនេះ។ មួយវិញទៀតក្រោយពីមានការបង្ហោះឃ្លីបនេះនាងក៏ទទួលបានការគម្រាមកំហែងនឹងប៉ុនប៉ងសម្លាប់ពីសំណាក់អតីតចៅអធិការនេះជាញឹកញ៉ា់ងដែរអោយបញ្ឈប់បង្ហោះបន្ថែម។
ជុំវិញការចោទប្រកាន់របស់នារីវ័យក្មេងខាងលើ អតីតព្រះចៅអធិការវត្តភ្នំបាក់អន្ទិត ស្រិល វណ្ណា បានពហិការប្រកែកមិនទទួលស្គាល់ថាបានប្រព្រឹត្តដូចការចោទប្រកាន់នេះឡើយហើយអ្វីដែលលោកបានធ្វើគឺទំនងជាត្រូវថ្នាំគេ។ ហើយពាក់ពន្ធ័នឹងការលើកឡើងថាបានគម្រាមគឺលោកទទួលស្គាល់ថាបានគម្រាមមែនដោយសារតែនាងបង្ហោះរូបធ្វើអោយប៉ះពាល់កិត្តិយសរបស់ខ្លួន។
ទោះបីជាមានការអះអាងនិងបដិសេធ មិនទទួលស្គាល់ការពិតក៏ដោយ គណ:កម្មាការសង្ឃបានសម្រេចផ្សឹកដើម្បីអោយបុគ្គលទាំងពីរដើរក្តីតាមផ្លូវច្បាប់។ ខណ:នោះដែរក្រោយចប់កម្មវិធីផ្សឹកសមត្ថកិច្ចក៏សម្រេចចាប់ខ្លួនបញ្ជូនមកការិយាល័យព្រហ្មទណ្ឌកំរិតស្រាលនៃស្នងការដ្ឋានខេត្តដើម្បីសាកសួរនិងកសាងសំណុំរឿងបញ្ជូនទៅសាលាដំបូងខេត្ត៕