Friday, June 15, 2018

នីឡា ៖ អតីតគូដណ្តឹង ភ្ជាប់ពាក្យជាមួយគូស្នេហ៍ថ្មី

អាម៉ាប៉ាប៉ាញ៉ូស

ភ្នំពេញៈ អតីតគូដណ្តឹង នីឡា លោក ផន រង្សី បានសម្រេចភ្ជាប់ពាក្យជាមួយគូស្នេហ៍ថ្មី វ័យក្មេងហើយ បន្ទាប់បានផ្តាច់ពាក្យជាមួយតារារូបនេះជិតមួយឆ្នាំ។

ការដាច់ដោចគ្នារវាង នីឡា និងអតីតគូដណ្តឹងដោយយោងលើរាសីថ្ងៃខែមិនល្អជារនាំងមិនអាចធ្វើឲ្យ​ស្នេហាមួយគូនេះបន្តផ្អែមស្អិតគ្នាបាន។ ដោយសារអស់លទ្ធ​ភាពរកគ្រូធ្វើបែបណាកុំឲ្យ​ឆុង នៅទីចុងក្រោយទាំងគ្រួសារសងខាងក៏សម្រេចចិត្តបញ្ចប់ដោយសន្តិវិធីតាមទំនាយគ្រូ ស្របពេលស្វែងរកហេតុផលច្បាស់លាស់រៀងខ្លួន។

ពិធីភ្ជាប់ពាក្យរបស់អតីតគូដណ្តឹង នីឡា ត្រូវបានផ្សព្វផ្សាយតាមរយៈហ្វេសប៊ុកបងប្រុសរបស់លោក ផន រង្សី ដែលបានធ្វើឡើងនៅថ្ងៃទី១៤ ខែមិថុនា ឆ្នាំ២០១៨។

គូដណ្តឹងថ្មីរបស់លោក ផន រង្សី ឈ្មោះ ហ៊ុន រ៉ាបូ ដែលមានវ័យស្ទើរនឹងប្រហាក់ប្រហែលជាមួយ នីឡា មានសម្រស់ក៏ស្រស់ស្អាត។

ពិធីភ្ជាប់ពាក្យនោះ បានធ្វើឡើងយ៉ាងឱឡារឹកផងដែរ ដោយនៅក្នុងនោះគេក៏ឃើញមានវត្តមានសាច់ញាតិទាំងសងខាងបានចូលរួមជាសាក្ខីភាព និងអបអរសាទរផងដែរ។

ដំណឹងពីការភ្ជាប់ពាក្យរបស់អតីតគូដណ្តឹងរបស់ នីឡា នាពេលនេះចាត់ទុកជាការជម្នះនូវមន្ទិលសង្ស័យនានា ដែលបានដាក់ការសង្ស័យ។ ប៉ុន្តែឪពុករបស់ នីឡា លោក សុវណ្ណ រិទ្ធី ហៅតាវ៉ិចទ័រ បានអះអាងដោយខ្លីថា លោកមិនមានបញ្ហាអ្វីទេ មានតែការជូនពរឲ្យឲ្យ​ក្មួយៗ សុខសប្បាយ និងចម្រុងចម្រើនប៉ុណ្ណោះ។

តារាកំប្លែងវ័យក្មេង នីឡា ធ្លាប់បានអះអាងថា ទោះបីជានាង បានបែកគ្នាជាមួយអតីតគូដណ្ដឹងទៅហើយក្ដី តែមិនបានកាត់ផ្ដាច់ទំនាក់ទំនងឡើយ ផ្ទុយទៅវិញ នាង និងអតីតគូដណ្ដឹងនៅតែស្រឡាញ់រាប់អានគ្នាដូចបងប្អូន។

នីឡា និង គូដណ្ដឹងឈ្មោះ ផន រង្សី បានភ្ជាប់ពាក្យកាលពីថ្ងៃទី១៩ ខែ ឧសភា ឆ្នាំ ២០១៦ កន្លងទៅ ប៉ុន្តែគួរឲ្យស្ដាយចំណងស្នេហ៍មួយនេះ ត្រូវបានបញ្ចប់ទៅវិញនៅចុងឆ្នាំ២០១៧ ។ អ្នកគាំទ្រ នីឡា ឲ្យ​នាងកាត់ចិត្តហើយរំពឹងថា ពិតជារកបានអ្នកស្អំបេះដូង ដែលយល់ចិត្តថ្មីទៀត ព្រោះសម្រស់វិញស្អាតជាងមុនសិល្បៈក៏ល្បីមានទីផ្សារលុយហូរចូលទៀត៕

@Amapapa.News

Feature Ads