យោងតាមការបញ្ជាក់ពីលោក រិទ្ធិ ចាន់នុន (Rith Channon) នាយកប្រតិបត្តិក្រុមហ៊ុន KAS Air ដែលជាក្រុមហ៊ុននាំចូលឧទ្ធម្ភាគចក្ររបស់ Airbus នោះ បាននិយាយថា ក្រុមហ៊ុនបានទទួលការបញ្ជាទិញពីសំណាក់អ្នកមាននៅប្រទេសកម្ពុជា ជាបន្តបន្ទាប់ក្នុងរយៈពេលប៉ុន្មានថ្ងៃនេះ។
ឥឡូវនេះ យើងមានការបញ្ជាទិញឧទ្ធម្ភាគចក្រ២ទៅ៣គ្រឿងពីកម្ពុជា។ ហើយនៅពីរ ឬបីថ្ងៃទៀត យើងនឹងជួបជាមួយអនាគតអ្នកបញ្ជាទិញ ដើម្បីចុះហត្ថលេខាលើកិច្ចសន្យា ប៉ុន្តែមិនមានការបញ្ជាក់ឈ្មោះអ្នកបញ្ជាទិញ និងតម្លៃឧទ្ធម្ភាគចក្រ ដែលត្រូវបានបញ្ជាទិញនោះទេ។ ដកស្រង់បទសម្ភាសន៍របស់លោក Rith Channon និងការអ្នកកាសែត។
សូមរំលឹកថានាពេលកន្លងទៅ សម្ដេច ហ៊ុន សែន បានជំរុញឱ្យអ្នកមានទ្រព្យសម្បត្តិច្រើននៅកម្ពុជា គួរតែចំណាយលុយទិញឧទ្ធម្ភាគចក្រប្រើប្រាស់ផ្ទាល់ខ្លួន ដោយសម្ដេច ពន្យល់ថាការប្រើប្រាស់ឧទ្ធម្ភាគចក្រអាចផ្ដល់ផលចំណេញផ្នែកពេលវេលាសម្រាប់ការធ្វើដំណើរ ហើយម្យ៉ាងទៀត រដ្ឋក៏អាចស្នើប្រើប្រាស់នៅពេលមានករណីចាំបាច់ណាមួយ។
រូបភាពតំណាង