ភ្នំពេញៈ ក្មេងស្រីជំទង់ស្រស់សោភាម្នាក់ បានបាត់ខ្លួនពីផ្ទះអស់រយៈពេល១អាទិត្យហើយ ជាមួយម៉ូតូឃ្លីកមួយគ្រឿង គិតមកទល់ថ្ងៃទី២១ ខែមិថុនា ឆ្នាំ២០១៨នេះ ដោយមិនដឹងមូលហេតុទាល់តែសោះ។
អ្នកស្រី ហុង ញេម អាយុ៣៨ឆ្នាំ ស្រុកកំណើតនៅស្រុកព្រះស្តេច ខេត្តព្រៃវែង ត្រូវជាម្ដាយក្មេងស្រី បានឲ្យដឹងថា កូនស្រីរបស់គាត់មានឈ្មោះ កាំង ហេងហុងលី អាយុ១៤ឆ្នាំ ជាសិស្សសាលាភាសាចិនទួនហ្វា បានបាត់ចេញពីផ្ទះអស់រយៈ១សប្ដាហ៍មកហើយ រួមជាមួយនឹងម៉ូតូមួយគ្រឿងម៉ាក ឃ្លីក ពណ៌សលាយទឹកក្រូច ពាក់ស្លាកលេខ ភ្នំពេញ 1BC-5423។ នាងបានបាត់ចញពីម្ដុំស្តុបទេពផន សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ម្ដាយក្មេងស្រីរងគ្រោះ បានអំពាវនាវបើបងប្អូនបានប្រទះឃើញក្មេងស្រីមានភិនភាគដូចក្នុងរូបខាងក្រោមនេះ សូមទំនាក់ទំនងទៅក្រុមគ្រួសារ តាមរយៈលេខទូរស័ព្ទៈ 012 82 32 72៕
