ពោធិ៍សាត់ៈ ធ្លាប់តែឮ និងឃើញផ្ទាល់ភ្នែក ថ្នាំពុលវាអាចសម្លាប់មនុស្ស តែនេះគ្រាន់តែបាយកកសោះ ក៏អាចសម្លាប់ក្មេងស្រី អាយុ១១ឆ្នាំ តែមួយប៉ប្រិចភ្នែក វាពិតជារឿងមួយ ដែលកម្រមានណាស់។
ក្មេងស្រីរងគ្រោះឈ្មោះ ឌីន ធីតា អាយុ១១ឆ្នាំ សិស្ស មានឪពុកឈ្មោះ ឌីន អាយុ៣៧ឆ្នាំ ម្ដាយឈ្មោះ ម៉ែន សុផា អាយុ៣៥ឆ្នាំ រស់នៅភូមិកំរ៉ែង ឃុំស្វាយសរ ស្រុកក្រគរ ខេត្តពោធិ៍សាត់។
បើតាមប្រភពពីម្ដាយមីង បានឲ្យដឹងថា កាលពីម៉ោង២និង១៥នាទីរសៀលថ្ងៃទី១០ ខែកក្កដា ឆ្នាំ២០១៨ ក្មួយគាត់ បានហូបបាយកកនឹងដៃ ដោយមិនបានដាក់ចានទេ នៅក្រោមដើមផ្កាក្រដាសមុខផ្ទះ ពេលញ៉ាំបានបន្តិចក្រោយមក ក៏បណ្តាលឲ្យអួល ពេលនោះក្មួយគាត់បានលោតចុះឡើង និងរត់ទៅរកគាត់ (ម្តាយមីង)ឲ្យជួយ ឃើញដូចនោះ គាត់ក៏ជួយរឹត តែអកុសលក្មួយរបស់គាត់ប្រកាច់ដាច់ខ្យល់ស្លាប់ភ្លាមៗដែរម្តង៕