Tuesday, July 17, 2018

អីយ៉ា! កញ្ញា ធី សុវណ្ណថា ក្លាយជាប្រជាការពារឃុំត្រើយស្លា ស្របពេលយុទ្ធនាការឃោសនាបោះឆ្នោតកំពុងដំណើរការ

រិទ្ធី

កញ្ញា ធី សុវណ្ណថា មន្ត្រីពង្រឹងគណបក្សប្រជាជនកម្ពុជា ប្រចាំឃុំត្រើយស្លា ស្រុកស្អាង ខេត្តកណ្តាល បានបង្ហោះសារ អបដោយរូបថតជាច្រើនសន្លឹកនៅលើគេហទំព័ររបស់កញ្ញា នៅថ្ងៃទី១៧ ខែកក្កដា ឆ្នាំ២០១៨ នេះ។ អ្វីដែលគួរឱ្យចាប់អារម្មណ៍បំផុតនោះគឺ កញ្ញា ស្លៀកពាក់ឈុតប្រជាការពារឃុំត្រើយស្លា។

ប្រជាការពារ​ឃុំត្រើយស្លា ​២០០នាក់ សហការជាមួយអាជ្ញាធរ​ឃុំ​ បើកយុទ្ធនាការសម្អាតព្រែក​ និងបង្ក្រាបបទល្មើសនេសាទ​ខុសច្បាប់​។ នេះគឺជាសាររបស់កញ្ញា ​ធី សុវណ្ណថា។

កញ្ញាដែលមានពហុជំនាញបានផ្ញើសារព្រមាន​ ដល់មេខ្លោងធំបទល្មើសនេសាទ នៅឃុំប្រសាទ​ ឃុំស្វាយប្រទាល​ និងនៅពាមសូ សូមរុះរើ​សៃយឺន​ខុសច្បាប់ ចេញជាបន្ទាន់។

កាលពីថ្ងៃទី១៣ ខែកក្កដា ឆ្នាំ២០១៨ កន្លងទៅ កញ្ញា ​ធី សុវណ្ណថា ក៏បានផ្ញើសារទៅជនល្មើសនេសាទថា៖ ១​-​ ហាមដាក់ព្រួល​ ឬសាយឺនកាត់ព្រែក ២-​ ហាមឆក់​ ឬប្រើឧបករណ៍នេសាទខុសច្បាប់ សូមរុះរើ​ ឧបករណ៍ល្មើសច្បាប់របស់លោកអ្នកចេញពីព្រែក​ ទន្លេ​ បឹង​ ក្នុងរយៈពេល​២៤ម៉ោង ពីនាងខ្ញុំ​ ធី​ សុវណ្ណថា​ មន្ត្រីគណៈពង្រឹងឃុំត្រើយស្លា​ ស្រុកស្អាង​ ខេត្តកណ្តាល។

គេសង្កេតឃើញថា អ្វីដែលកញ្ញា ធី សុវណ្ណថា ប្តឹងឬអន្តរាគមន៍ តែងតែទទួលបានផលល្អ។ បច្ចុប្បន្ន កញ្ញា កំពុងតែអនុវត្តគម្រោងសាងសង់ផ្លូវ នៅឃុំត្រើយស្លា ស្រុកស្អាង ខេត្តកណ្តាល។

@Amapapa.News

Feature Ads