វិស័យចម្រៀង នៅតែជាវិស័យមួយដែលមានសន្ទុះកើនឡើងឥតឈប់ឈរ។ នៅក្នុងវិស័យនេះ ផលិតករ អ្នកនិពន្ធ ក៏ដូចជាសិល្បករ តែងតែខិតខំរិះរកអ្វីដែលថ្មី ប្លែក មកចែកជូនប្រិយមិត្តទុកជាការកម្សាន្ត។
ថ្មីៗនេះ អ្នកនិពន្ធ និងជាអ្នកចម្រៀងម្នាក់ គឺ ហ្សេ លាំង (Ze Liang) បានបញ្ចេញបទ “គេង” ដ៏សែនលន្លោងលន្លោច មកបំពេរអារម្មណ៍ប្រិយមិត្តបានយ៉ាងពីរោះ។ អ្នកបានស្តាប់បទនេះបានបញ្ចេញមតិគួរឲ្យចាប់អរម្មណ៍ជាច្រើននៅក្នុង YouTube channel របស់ ស្ទូឌីយូ BA Creative។
“គេង” គឺជាការនិពន្ធទំនុកច្រៀង និងបកស្រាយដោយ Ze Liang ផ្ទាល់ ហើយជាការសម្រួលតន្ត្រី និងផលិតដោយប្រូយូសស័រ (producer) រូបសង្ហារ លោក Chally Smart។
