Monday, July 30, 2018

ពលរដ្ឋចាប់ចោរ​២នាក់ ស្វាគមន៍យ៉ាងចាស់ដៃ ក្រោយ​ធាក់ផ្ដួលប្លន់ម៉ូតូនារីម្នាក់ បម្រុងប្លន់

ពិសី

ភ្នំពេញៈ ចោរប្លន់២នាក់ ចំណោមបក្ខពួក ៣នាក់ ត្រូវបានប្រជាពលរដ្ឋ ក៏ដូចជាម្ចាស់ម៉ូតូដេញចាប់បាន រួចវាយឡើងប៉ោងមុខប៉ោងមាត់ ទើបប្រគល់ឲ្យ​នគរបាលប៉ុស្តិ៍វាលស្បូវ ក្រោយពួកគេធ្វើសកម្មភាពធាក់ផ្ដួលម៉ូតូ ដើម្បីប្លន់។

ករណីវាយប្លន់ម៉ូតូមិនបានសម្រេចនេះ បាកកើតឡើងកាលពីវេលាម៉ោងយប់ ថ្ងៃអាទិត្យ ២រោច ខែទុតិយាសាធ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែកក្កដា ឆ្នាំ២០១៨ ចំណុចមុខដីឡូត៍ គ្មានលេខ ផ្លូវ ជាតិលេខ១ ភូមិក្តីតាកុយ សង្កាត់វាលស្បូវ ខណ្ឌច្បារអំពៅ។

សមត្ថកិច្ចបានឲ្យដឹងថា ជនងគ្រោះមិនស្គាល់ឈ្មោះ ភេទស្រី អាយុប្រហែល ៣០ឆ្នាំ ជនជាតិ ខ្មែរ (ក្រោយកើតហេតុ​ជិះម៉ូតូចេញទៅបាត់)។ ជនសង្ស័យទី១ ឈ្មោះ ផៃ បុរី ភេទប្រុស អាយុ២៨ឆ្នាំ ជនជាតិខ្មែរ មុខរបរ កម្មកររោងចក្រទឹកកក ស្នាក់នៅភូមិដើម ចាន់ សង្កាត់ច្បារអំពៅ២ ខណ្ឌច្បារអំពៅ ។ ជនសង្ស័យទី២ ឈ្មោះ បូ វិបុត្រ ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ។

លោក ស្វាយ ដារ៉ា នាយប៉ុស្តិ៍នគរបាលរដ្ឋបាលវាលស្បូវបានប្រាប់ឲ្យដឹងថា​ មុនពេលកើតហេតុវេលាម៉ោង១២យប់ ជនរងគ្រោះបានជិះម៉ូតូមួយគ្រឿងម៉ាក Honda Icon ពណ៌ក្រហម លាយស មិនចាំស្លាកលេខ ដោយជិះចេញពីភ្នំពេញ ទៅផ្ទះនៅស្រុកកំណើតកៀនស្វាយ ខណៈពេលមកដល់ចំណុចកើតហេតុខាងលើ ស្រាប់តែមានជនសង្ស័យចំនួន០៣នាក់ ជិះម៉ូតូ១គ្រឿង ម៉ាក ហុងដា Scoopy ពណ៌ស មិនចាំស្លាកលេខ បានជិះតាមជនរងគ្រោះ មកពីក្រោយគៀ រួចធាក់ជនរងគ្រោះឲ្យដួលម៉ូតូ ហើយភ្លាមនោះជនសង្ស័យម្នាក់បានចុះទៅលើកយកម៉ូតូជនរងគ្រោះតែ បញ្ឆេះមិនឆេះ ជនរងគ្រោះក៏ស្រែកចោរៗផ្អើលឆោឡោដល់ប្រជាពលរដ្ឋដែលធ្វើដំណើរតាមផ្លូវ រួមជាមួយប្រជាពលរដ្ឋនៅក្បែរនោះនាំគ្នាមកជួយ ពេលនោះជនសង្ស័យម្នាក់បានបើកម៉ូតូរត់គេចខ្លួនបាត់ ចំណែកជនសង្ស័យ២នាក់ផ្សេងទៀតបាននាំគ្នារត់គេចខ្លួនចូលភូមិក្តីតាកុយ ក៏ត្រូវបានប្រជាពលរដ្ឋនាំគ្នាចាប់បានជនសង្ស័យ រួចវាយជនសង្ស័យម្នាក់ជាំភ្នែករបួសធ្ងន់ ភ្លាមនោះនគរបាលប៉ុស្តិ៍ល្បាតទៅដល់ក៏ឃាត់ខ្លួនជនសង្ស័យទាំង០២នាក់ មកអធិការដ្ឋាននគរបាលខណ្ឌច្បារ អំពៅ ។

បច្ចុប្បន្នជនសង្ស័យទាំង ២នាក់ត្រូវបាននគរបាលប៉ុស្តិ៍វាលស្បូវសួរនាំ និងកសាងសំណុំរឿងបញ្ជូនខ្លួនទៅអធិការរដ្ឋាននគរបាលខណ្ឌច្បារអំពៅ ដើម្បីបន្តចាត់ការតាមនីតិវិធី ៕

@Amapapa.News

Feature Ads