Friday, July 20, 2018

រកឃើញសពជនជាតិចិន​​ហើយ នៅក្នុងលូរំដោះទឹក ឆ្នេរសណ្ឋាគារ “ស៊ីហ៊ូ” ក្រោយចុះលេងទឹកសមុទ្រលង់បាត់មួយយប់​

ពិសី

ព្រះសីហនុៈ សាកសពជនជាតិចិន ចុះ​ងូតទឹកសមុទ្រ ហើយបានលង់ទឹកបាត់ខ្លួន កាលពីវេលាម៉ោង​៥៖៣០នាទីល្ងាចថ្ងៃទី១៩ ខែកក្កដា​ ឆ្នាំ២០១៨ នៅចំណុចមុខកន្ទុយនាគ ក្រុមទី១៤ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ រហូតដល់ម៉ោង១១៖៣០នាទីថ្ងៃទី២០ ខែកក្កដា ឆ្នាំ២០១៨ កម្លាំងសមត្ថកិច្ច បាន​ប្រទះឃើញសាកសពអណ្តែត នៅលូរំដោះទឹក ឆ្នេរសណ្ឋាគារ XiHu (ស៊ីហ៊ូ) ស្ថិតក្នុងក្រុមទី១ ភូមិ១ សង្កាត់លេខ៣ ខេត្តព្រះសីហនុ ។

ក្រោយប្រទះឃើញភ្លាមនោះ កម្លាំងជំនាញ សហការជាមួយសមត្ថកិច្ចបច្ចេកទេសវិទ្យាសាស្ត្រ ធ្វើការពិនិត្យ ទើបដឹងថា សាកសពឈ្មោះ LiU QiANG  ភេទប្រុស កើត​ថ្ងៃទី​ 01.04.1991 សញ្ជាតិចិន​​ កាន់លិខិតឆ្លងលេខ​ E.68478103 មុខរបរទេសចរណ៍ ស្លាប់ដោយសារលង់ទឹកសមុទ្រពិតប្រាកដមែន។

បច្ចុប្បន្នសាកសព សមត្ថកិច្ចបានយកទៅតម្កល់ទុកនៅសាលតម្កល់សពនៃមន្ទីរពេទ្យបង្អែកចំការចេក រង់ចាំការសម្រេចពីស្ថានទូត និងក្រុមគ្រួសារសាមីមកទទួល៕

@Amapapa.News

Feature Ads