Thursday, July 12, 2018

ថាមែនៗ! រូងភ្នំ “ថាមហ្លួង” ជាប់គំាងក្មេងៗទំាង១៣នាក់ អស់ជាង២សប្តាហ៍ នឹងក្លាយជាសារមន្ទីរមួយ សម្រាប់ប្រទេសថៃ

ពិសី

ថៃៈ ទូរទស្សន៍ BBC បានផ្សព្វផ្សាយព័ត៌មានឲ្យដឹងនៅថ្ងៃព្រហស្បតិ៍នេះថា រូងភ្នំ “ថាមលួង នងណុន” ដែលមានភាពស្មុគស្មាញស្ថិតនៅភាគខាងជើង នៃប្រទេសថៃ នឹងជាកន្លែងធ្វើឲ្យក្មេងៗទាំង១២នាក់ និងគ្រូបង្វឹកម្នាក់ នៅជាប់គាំងក្នុងនោះអស់រយៈពេលជាង២សប្តាហ៍ ត្រូវបានគេរៀបចំដោយប្រែក្លាយទៅជាសារមន្ទីរមួយ។

ក្រុមមន្ត្រីជួយសង្គ្រោះ បាននិយាយថា សារមន្ទីរ នឹងបង្ហាញអំពីអ្វី ដែលជាប្រតិបត្តិការ មិនអាចរកឃើញ ដោយការព្យាករណ៍ទៅលើរូងភ្នំ នឹងធ្វើឲ្យ “មានភាពទាក់ទាញយ៉ាងខ្លាំង”សម្រាប់ប្រទេសថៃ។

យ៉ាងហោចណាស់មានក្រុមហ៊ុនចំនួន២ ក៏បានសម្លឹងរកការផលិតខ្សែភាពយន្តមួយអំពីរឿងនៃការជួយសង្គ្រោះនេះដែរ ។ អ្នកដែលគេជួយសង្គ្រោះទាំងអស់ ឥឡូវបានជាសះស្បើយហើយ នៅក្នុងមន្ទីរពេទ្យ។

គួរបញ្ជាក់ថា ក្មេងៗទាំង១២នាក់ និងគ្រូបង្វឹករបស់គេ ដែលនៅជាប់គាំងក្នុងរូងភ្នំនោះ ត្រូវបានក្រុមអ្នកមុជទឹកអង់គ្លេស ចិន អាមេរិក និងថៃ និងបណ្តាអ្នកជំនាញមកពីតំបន់ផ្សេងៗបានបើកប្រតិបត្តិការជួយសង្គ្រោះចេញពីរូងភ្នំដ៏ស្មុគស្មាញខាងលើ ដោយប្រើពេល៣ថ្ងៃ បន្ទាប់ពីក្មេង​រងគ្រោះទាំងនោះ បានបាត់ខ្លួននៅក្នុងរូងភ្នំនេះ តាំងពីថ្ងៃទី២៣ ខែមិថុនា ហើយរហូតដល់៩ថ្ងៃ ទើបត្រូវបានអ្នកមុជទឹកជនជាតិអង់គ្លេស២រូប រកឃើញពួកគេមុន ដែលបញ្ជាក់ថា នៅមានជីវិត៕

@Amapapa.News

Feature Ads