មិត្តអ្នកអានជាច្រើនច្បាស់ជាស្គាល់ ឯកឧត្តម ទៀ វិចិត្រ ដែលលោកតែងតែធ្វើអំពើសប្បុរសធម៍ជាច្រើន ដែលធ្វើអោយមហាជនកោតសរសើរពីទឹកចិត្តរបស់លោក។ យ៉ាងណាមិញកាលពីយប់មិញនេះ ឯកឧត្តម ទៀ វិចិត្រ បានធ្វើការបង្ហាះវីដេអូមួយ ដែលលោកបានចុះទៅទិញពោតស្ងោរពីលោកយាយចាស់ជរាម្នាក់ កំពុងតែដើរលក់ពោតកាត់ភ្លៀង នៅម្តុំ ទីលានប្រជល់ដំរី បរិវេណប្រាសាទបាយ័ន។ ដោយក្តីអាណិតអាសូរ ឯកឧត្តម ទៀ វិចិត្រ ក៏បានជួយទិញយកទាំងអស់ ហើយថែមទាំងបានជូនលោកយាយ បន្ថែមចំនួន ២០ម៉ឺនរៀលថែមទៀតផង ដែលទង្វើនេះធ្វើអោយមហាជនជាច្រើនសម្តែងការកោតសរសើរយ៉ាងខ្លាំងដល់ទឹកចិត្តសប្បុរសធម៍របស់ឯកឧត្តម។
ស្រាប់តែថ្ងៃនេះ ឯកឧត្តម ទៀ វិចិត្រ បានជួយទិញផ្សិតទាំងអស់ ដែលមានតម្លៃ ៦ម៉ឺនរៀល លើសពីនេះទៅទៀត ឯកឧត្តម បានផ្តល់ថវិកាបន្ថែមដល់អ្នកលក់ចំនួន ១០ម៉ឺនរៀលថែមទៀត ធ្វើអោយមហាជនជាច្រើនសម្តែងការកោតសរសើរចំពោះទឹកចិត្តសប្បុរសធម៌របស់ឯកឧត្តមជាខ្លាំង៕