រតនគិរីៈ បុរសម្នាក់ ផឹកស៊ីស្រវឹង ទៅរករឿងឈ្លោះប្រកែកជាមួយប្រពន្ធ ស្រាប់តែប្រពន្ធទប់ចិត្តមិនបាន (គុំយូរហើយ) ទាញពូថៅកាប់ទៅប្ដីជាច្រើពូថៅ បណ្ដាលឲ្យរងរបួសធ្ងន់។
ករណីហឹង្សាក្នុងគ្រួសារខាងលើនេះ បានកើតឡើងកាលពីវេលាម៉ោង៤៖៣៩នាទីល្ងាចថ្ងៃទី២១ ខែកក្កដា ឆ្នាំ២០១៨ ចំណុចផ្ទះស្ថិតក្នុងភូមិ៣ ឃុំស្រែអង្គ្រង ស្រុកកូនមុំ ខេត្តរតនគិរី។
សមត្ថកិច្ចស្រុកកូនមុំ បានឲ្យដឹងថា ប្ដីរងគ្រោះឈ្មោះ ស៊ើង ស៊ិន ភេទប្រុស អាយុ៥៤ឆ្នាំ ចំណែកប្រពន្ធ ឈ្មោះ រស់ ហ៊ុន អាយុ៤៦ឆ្នាំ អ្នកទាំងពីរ មានទីលំនៅកន្លែងកើតហេតុខាងលើ។
សមត្ថកិច្ចបន្តថា មុនពេលកើតហេតុ ប្ដីស្រវឹងស្រាឈ្លោះប្រកែកជាមួយប្រពន្ធ ទើបកើតចិត្តក្ដៅក្រហាយផឹកស្រវឹងមិនទៅដេក មករករឿង បណ្ដាលឲ្យប្រពន្ធយកពូថៅកាំចំក្បាល រងរបួសធ្ងន់តែម្ដង។
ក្រោយកើតហេតុជនរងគ្រោះ ត្រូវបានបញ្ជូនទៅសង្គ្រោះនៅមណ្ឌលសុខភាពស្រុកកូនមុំ។ ចំណែកប្រពន្ធ ត្រូវបានឃាត់ខ្លួននៅអធិការដ្ឋាននគរបាលស្រុកកូនមុំ ដើម្បីបំពេញសំណុំរឿងបញ្ជូនទៅតុលាការចាត់ការតាមនីតិវិធី៕