Monday, July 16, 2018

​ឃាត់ខ្លួន ​ជនសង្ស័យ​២​នាក់​ ក្រោយរឹបអូសថ្នាំញៀន ជិត២គីឡូក្រាម នៅខណ្ឌជ្រោយចង្វារ

ពិសី

ភ្នំពេញ​ ៖​ កាលពី​ថ្ងៃ​ទី​១៣​ ខែកក្កដា​ ឆ្នាំ​២០១៨​ វេលា​ម៉ោង​២០​និង​៤០​នាទី​ កម្លាំង​ជំនាញ​ នៃ​មន្ទីរ​ប្រឆាំង​គ្រឿងញៀន​ (​ក​៧)​ សហការ​ជាមួយ​កម្លាំង​ជំនាញ​ នៃ​អធិការដ្ឋាន​នគរបាល ​ខណ្ឌ​ជ្រោយចង្វា​ ដឹកនាំ​ដោយ​ផ្ទាល់ ​លោក​ឧត្តមសេនីយ៍ទោ​ សៀង​ ណុ​ល​ នាយករង​មន្ទីរ​ប្រឆាំង​គ្រឿងញៀន​ ដោយ​មានការ​សម្របសម្រួល ​ពី​លោក​ គុ​ជ​ គឹ​ម​ឡុ​ង​ ព្រះរាជអាជ្ញា​រង​ នៃ​អយ្យការ​អម​សាលាដំបូង​ រាជធានី​ភ្នំពេញ​ បាន​បង្ក្រាប​ករណី​ជួយ​ដូរ ​ដោយ​ខុសច្បាប់​នូវ​សារធាតុ​ញៀន​ នៅ​ចំណុច​ស្ថានីយ៍​បញ្ចូល​ហ្គា​ស​ ក្នុងភូមិ​បាក់​ខែង​ សង្កាត់​បាក់​ខែង​ ខណ្ឌ​ជ្រោយចង្វា​ រាជធានី​ភ្នំពេញ​ឃាត់ខ្លួន​ជនសង្ស័យ​២​នាក់​ ។​

ជនសង្ស័យ​ឈ្មោះ​ វណ្ណ​ លី​ន​ ភេទ​ស្រី​ ជនជាតិ​ខ្មែរ​ អាយុ​២៧​ឆ្នាំ​ និង​ឈ្មោះ​ ម៉ៅ​ ស៊ី​ធាន​ ភេទ​ប្រុស​ ជនជាតិ​ខ្មែរ​ កើត​ឆ្នាំ​១៩៨៩​ ។​ ចាប់​យក​វត្ថុ​តាង​៖​ សារធាតុ​ញៀន​ប្រភេទ​មេ​តំ​ហ្វេ​តា​មីន​(ICE)​ ទម្ងន់​ 1988.6g​ ។​

បច្ចុប្បន្ន​ កម្លាំង​ជំនាញ​កសាង​សំណុំរឿង​អនុវត្ត​តាម​នីតិវិធី​ ។

@Amapapa.News

Feature Ads