Monday, July 16, 2018

សំណុំរឿងថ្មីមួយទៀត តុលាការកោះហៅលោក សម រង្ស៊ី ចូលមកបំភ្លឺរឿងសន្យាកាត់ខេត្តបួនឱ្យវៀតណាម

រិទ្ធី

សាលាដំបូង​រាជធានី​ភ្នំពេញ ចេញដីកាកោះហៅលោក សម រង្ស៊ី ប្រធានចលនាសង្រ្គោះជាតិឱ្យ​ចូលសវនការ នៅ​ព្រឹក​ថ្ងៃទី​១៣ ខែសីហា ឆ្នាំ​២០១៨ ដើម្បី​ឆ្លើយបំភ្លឺ​ពី​ការប៉ុនប៉ង​ប្រគល់​ឱ្យ​រដ្ឋ​បរទេស​នូវ​ដែនដី​អធិបតេយ្យ​មួយផ្នែក ។ យោងតាម​ដីកា​បង្គាប់​ចុះថ្ងៃទី​១៣ ខែកក្កដា ឆ្នាំ​២០១៨ របស់លោក រស់ ពិសិដ្ឋ ចៅក្រម​ស៊ើបសួរ​នៃ​សាលាដំបូង​រាជធានី​ភ្នំពេញ។

​ដីកាបញ្ជាក់ថាដើម្បីឆ្លើយតបនឹងការចោទប្រកាន់ពីបទ ប៉ុនប៉ង​ប្រគល់​ឱ្យ​រដ្ឋ​បរទេស​នូវ​ដែនដី​អធិបតេយ្យ​មួយផ្នែក ប្រព្រឹត្តទៅនៅរាជធានីភ្នំពេញ និងទីកន្លែងផ្សេងៗទៀត កាលពីថ្ងៃទី១៤ ខែមេសា ឆ្នាំ២០១៣ បទល្មើសដែលមានចែងឱ្យផ្តន្ទាទោសតាមបញ្ញត្តិមាត្រា២៧ និងមាត្រា៤៤០ នៃក្រមព្រហ្មទណ្ឌ។

​សូមបញ្ជាក់ថាអគ្គស្នងការ​នគរបាល​ជាតិ ជាដើម​បណ្តឹង ក្នុងសំណុំរឿងនេះ។ ​ខេត្តទាំង​៤ ដែលចោទប្រកាន់លោក សម រង្ស៊ី ប៉ុនប៉ង​ប្រគល់​ឱ្យ​រដ្ឋ​បរទេស​នូវ​ដែនដី​អធិបតេយ្យ​មួយផ្នែក រួមមានម​ណ្ឌ​គិរី រតន​គី​រិ ក្រចេះ និង​ស្ទឹងត្រែង។

បណ្តឹងរបស់អគ្គស្នងការ​នគរបាល​ជាតិធ្វើឡើង បន្ទាប់ពីមានការ​បែកធ្លាយវិដេអូឃ្លីបហើយ​ត្រូវបាន​បង្ហោះ​នៅលើ​បណ្តាញ​សង្គម​ហ្វេ​ស​ប៊ុ​ក ដែល​បង្ហាញ​ពី​ការចុះ​កិច្ចព្រមព្រៀង​មួយ​តាំងពី​ឆ្នាំ​២០១៣​ រវាង​លោក សម រង្ស៊ី និង​លោក កុក ស ដែល​ត្រូវបាន​អះអាងថា ជា​មេដឹកនាំ​ជនជាតិភាគតិច​ម៉ុង​តា​ញ៉ា​របស់​វៀតណាម​។

​ដោយឡែក លោក សម រង្ស៊ី ធ្លាប់បាន​បង្ហោះ​សារ​លើ​ទំព័រ​ហ្វេ​ស​ប៊ុ​ក​បដិសេធរឿងនេះ​ ផ្ទុយទៅវិញលោកបានឆ្លើយថា​សម្តេច ហ៊ុន សែន ​បំភ្លៃ​ទាំងស្រុងនូវ​គំនិត​របស់លោក ស្តីពី​វិមជ្ឈការដែល​តម្រូវ​ឱ្យយើងទទួលស្គាល់​សិទ្ធិ​សម្រេច​នៅ​មូលដ្ឋាន​របស់​ខ្មែរលើ ខ្មែរ​កណ្តាល និង​ខ្មែរក្រោម ដែលជា​ខ្មែរ​តែមួយ​​។ ​លោក សម រង្ស៊ី កំពុងតែរងការចោទប្រកាន់ពីក្រោម១០បទល្មើសឡើយ។

@Amapapa.News

Feature Ads