វីដេអូ Live
បាងកក៖ នៅយប់ថ្ងៃច័ន្ទ ទី០២ ខែកក្កដា ឆ្នាំ២០១៨ នេះ សារព័ត៌មានផ្លូវការរបស់រដ្ឋថៃ (ThairathTV) បានចេញផ្សាយហើយ ទាក់ទងនឹងព័ត៌មាននៅខេត្ត ឈៀង រ៉ាយ ដោយក្មេងៗទាំង ១២នាក់ និងគ្រូបង្វឹកបាល់ទាត់ម្នាក់ ត្រូវបានក្រុមសង្គ្រោះរកឃើញហើយ ហើយពួកគេនៅមានជីវិតទាំងអស់ ប៉ុន្តែស្ថិតនៅក្នុងស្ថានភាពខ្សត់ខ្សោយ និងហេវហត់បំផុត ដោយស្ទើរតែបើកភ្នែកមិនចង់រួចទៅហើយ។
ក្រុមសង្គ្រោះថៃ ក៍ដូចជាក្រុមគ្រួសារជនរងគ្រោះ និងមន្ត្រីរដ្ឋាភិបាល ព្រមទាំងប្រជាជនថៃទាំងអស់ មានការសប្បាយរីករាយជាខ្លាំង និងបានចែកចាយព័ត៌មានដ៏រីករាយនេះ ព្រមទាំងបាន Live ជាវីដេអូទាំងយប់ជ្រៅ ទៅដល់មហាជនទូទៅផងដែរ ពីតំបន់នៅរូងភ្នំនេះ។
ខណនេះក្រុមសង្គ្រោះកំពុងតែស្វែងរកកន្លែងដែលមានសុវត្ថិភាព ពីទឹកជំនន់ក្នុងរូងភ្នំ ដើម្បីរៀបចំជាកន្លែងស្នាក់បណ្តោះអាសន្នរបស់ ជនរងគ្រោះទាំង ១៣នាក់ខាងលើនេះ។
សូមជម្រាបជូនថា ដោយសារចម្ងាយដ៏ឆ្ងាយចំណុចខ្លះ ក្រុមជំនាញសង្គ្រោះបានអះអាងថា ពួកគេត្រូវមុជកាត់ភក់ថែមទៀតផង ទើបអាចត្បុលទៅដល់កន្លែងដែលមនុស្សទាំង ១៣នាក់ ជាប់ខ្លួនអស់រយៈពេល ចំនួន០៩ថ្ងៃមកនេះ៕
