តាកែវ៖ កាលពីថ្ងៃទី១២ ខែកក្កដា ឆ្នាំ២០១៨កន្លងទៅ អាណាព្យាបាលក្មេងម្នាក់នៅភូមិស្មន់មុនី ឃុំព្រៃផ្តៅ ស្រុកព្រៃកប្បាស ខេត្តតាកែវ បានប្រកាសរកក្មេងប្រុសខាងលើតែមិនទទួលបានដំណឹងសោះ លុះមកដល់ថ្ងៃទី ១៩ ខែកក្កដា ឆ្នាំ ២០១៨ រំលងបាន ០៧ ថ្ងៃ ទើបទទួលបានដំណឹង តែអ្វីដែលហួសចិត្តនោះគឺ រកឃើញត្រឹមសាកសពទៅវិញ ដោយសារឃាតករបានវាយសម្លាប់ រួចប្លន់យក ម៉ូតូ Dream 018 ទៅជាមួយ។
ក្មេងប្រុសរងគ្រោះ ខាងលើ ឈ្មោះ ណុប លឹម ហេង ភេទប្រុស អាយុ១២ ឆ្នាំ ។
យោងតាមការបំភ្លឺពីម្ដាយធំ និងសាច់ញាតិជិតខាង បានឲ្យដឹងថា នៅថ្ងៃទី១២ ខែកក្កដា២០១៨ វេលាម៉ោងប្រហែល១២ថ្ងៃត្រង់ ម្ដាយកុមារារងគ្រោះឲ្យម៉ូតូ C125 សេរី២០១៨ ពណ៌ខ្មៅទៅលាងទឹក រហូតដល់យប់មិនឃើញកូនមកវិញ ក៏បានប្ដឹងសមត្ថកិច្ចឲ្យជួយដើររករហូតដល់ថ្ងៃទី១៩ ខែកក្កដា ឆ្នាំ២០១៨ មានអ្នកដើររកអង្ក្រងបានប្រទះឃើញហើយរាយការទៅសមត្ថកិច្ច។
បើតាមសមត្ថកិច្ចសន្និដ្ឋានថា ករណីនេះពិតជាអំពើលួចមានស្ថានទម្ងន់ (ប្លន់សម្លាប់យកម៉ូតូ ) ក្រោយពិនិត្យរួច សាកសពបានប្រគល់ឲ្យសាច់ញ្ញាតិយកទៅធ្វើបុណ្យតាមប្រពៃណី។ បច្ចុប្បន្នសមត្ថកិច្ចកំពុងស្រាវជ្រាវស្វែងរកតាមចាប់ជនសង្ស័យ ដើម្បីយកផ្តន្ទាទោសតាមច្បាប់៕
ក៍សូមចូលរួមរំលែកទុក្ខគ្រួសារសពផង នេះជារឿងមួយដែលគួរយកចិត្តទុកដាក់បន្ថែមផងដែរ ទាក់ទងនឹងទ្រព្យសម្បត្តិ ក៍ដូចជាសម្ភារៈមានតម្លៃផ្សេងៗ អាណាព្យាបាលមិនគួរបណ្ដោយឲ្យមានការប្រើប្រាស់ទាំងវ័យក្មេង និងមិនអាចការពារបានបែបនេះឡើយ។