Friday, July 13, 2018

នាយឧត្តមសេនីយ ហ៊ីង ប៊ុនហៀង ចេញបទបញ្ជាឱ្យទាហានក្រោមបញ្ជា ឈប់សុំលុយពីភ្ញៀវជាតិ និងអន្តរជាតិ

រិទ្ធី

នាយឧត្តមសេនីយ ហ៊ីង ប៊ុនហៀង មេបញ្ជរការកងអង្គរក្ស​សម្តេច ហ៊ុន សែន បាន​ចេញ​បទបញ្ជាឱ្យកូន​ចៅថ្នាក់​ក្រោម​បង្គាប់​បញ្ឈប់​ជាបន្ទាន់រាល់​ការស្នើសុំ​ថវិកា ឬគ្រឿងបរិភោគផ្សេងៗសម្រាប់បំប៉នដល់​នាយទាហានពីចៅហ្វាយ​ស្រុក-ខេត្ត រាជធានី​​ ​ភ្ញៀវ​ជាតិ ​និង​អន្តរជាតិគ្រប់ខេត្ត​ក្រុង។

យោង​តាមបទបញ្ជាដែលចុះហត្ថលេខាដោយនាយឧត្តមសេនីយ ហ៊ីង ប៊ុនហៀង មេបញ្ជាការបញ្ជាការដ្ឋាន​អង្គរក្សនាយករដ្ឋមន្រ្តី ហ៊ុន សែន​ បានបញ្ជាក់ថាដើម្បីរក្សានូវសន្តិ​សុខ ​សេច​ក្តី​ថ្លៃថ្នូរ និងកិត្តិយសរបស់បញ្ជាការដ្ឋានអង្គរក្ស បញ្ជាការដ្ឋាន​ផ្សេងៗ។

បទបញ្ជានេះ​ហាមផងដែរដល់​ក្រុម​ទាហាន​កង​អង្គរក្សទាំអស់​មិន​ត្រូវធ្វើការស្នើសុំ ពីភ្ញៀវជាតិ និងអន្តរជាតិ មិនថាតាមការសរសេរឬផ្ទាល់មាត់នោះទេ មូលហេតុដោយសារតែ​ការ​ស្នើ​សុំ​ថវិកា​ទាំង​នោះ​ជា​កាតព្វកិច្ច​របស់​នាយឧត្តមសេនីយ ​ហ៊ឹង ប៊ុនហៀង​មេបញ្ជាការផ្ទាល់ និងលោក ហ៊ុយ ពិសិដ្ឋ តែប៉ុណ្ណោះ។

បទបញ្ជាបានព្រមានចំៗ​ថា​ ក្នុង​ករណី​ចាប់​ប​ទាហា​នណា​ដែល​បំពាន​បំរាម​នេះ បញ្ជាការដ្ឋាននឹងមានវិធានការដាក់ទណ្ឌកម្ម ឬបណ្តេញ​ចេញ​ពីកងអង្គរក្សឬជួរទាហានតែម្តង។

សូមរំលឹកថា កាលពីថ្ងៃទី១៣ ខែមិថុនា រដ្ឋាភិបាលសហរដ្ឋអាមេរិក បានដាក់ទណ្ឌកម្មបង្កកទ្រព្យសម្បត្តិ នាយឧត្តមសេនីយ ហ៊ីង ប៊ុនហៀង មេអង្គរក្សរបស់សម្តេចហ៊ុន សែន ហាមឃាត់មិនឲ្យជាន់ដីសហរដ្ឋអាមេរិក ព្រមទាំងរឹបអូសទ្រព្យសម្បត្តិគាត់ថែមទៀត។

@Amapapa.News

Feature Ads