មណ្ឌលគិរីៈ បុរសម្នាក់ជិះម៉ូតូដឹកឈើដុំ ទប់មិនជាប់ដួលសង្កត់ស្លាប់យ៉ាងអាណោចអាធ័ម បង្កការភ្ញាក់ផ្អើលកាលពីវេលាម៉ោង៨ និង២០នាទីយប់ ថ្ងៃទី៩ ខែកក្កដា ឆ្នាំ២០១៨ នៅចំណុចអូរត្រកួន ភូមិពូគង់ ឃុំស្រែព្រះ ស្រុកកែវសីមា។
ជនរងគ្រោះឈ្មោះ ស្រ៊ីន គោ អាយុ៣៨ឆ្នាំ មានស្រុកកំណើតភូមិតាមអឹម ឃុំជាំតាអឹម ស្រុកមេមត់ ខេត្តត្បូងឃ្មុំ បច្ចុប្បន្នស្នាក់នៅភូមិវាលម្រះ ឃុំក្រញូងសែនជ័យ ស្រុកស្នួល ខេត្តក្រចេះ។
សមត្ថកិច្ចបានឲ្យដឹងថា មុនពេលកើតហេតុ បុរសរងគ្រោះខាងលើ បានបើកម៉ូតូដឹកឈើដ៏ធ្ងន់មួយដុំ ចុះទួល។ ស្រាប់តែមកដល់ចំណុចកើតហេតុ ម៉ូតូបានដាច់លេខបណ្តាលដួលហើយត្រូវឈើសង្កត់ពីលើស្លាប់នៅហ្នឹងកន្លែងតែម្តង។
ក្រោយពេលកើតហេតុ សាកសពជនរងគ្រោះសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕