Saturday, July 14, 2018

ស៊យមែន! កំពុងជិះម៉ូតូ ស្រាប់តែខ្យល់​បក់​ រលំ​ផ្លាក​ពុះ​ដី​ឡូត៍​លក់​ ធ្លាក់​ត្រូវក្បាលរងរបួសធ្ងន់ និងស្លាប់ ពេលបញ្ជូនដល់​មន្ទីរពេទ្យ

អាម៉ាប៉ាប៉ាញ៉ូស

ខេត្ត​ព្រះសីហនុ៖ បុរស​ជាកម្មករ​ រោងចក្រ​ស្រាបៀរ​អង្គម្នាក់ ខណៈកំពុងជិះម៉ូតូ ស្រាប់តែមានខ្យល់​បក់​ ធ្វើឲ្យរលំ​ផ្លាក​ពុះ​ដី​ឡូត៍​លក់​ ធ្លាក់​ត្រូវក្បាលរងរបួសធ្ងន់ ហើយបានស្លាប់ ពេលបញ្ជូនដល់​មន្ទីរពេទ្យ ហេតុការណ៍នេះបានកើតឡើងកាលពីព្រឹក​ថ្ងៃសៅរ៍ ទី១៤ ខែកក្កដា ឆ្នាំ២០១៨នេះ​ នៅលើផ្លូវ​ជាតិ​លេខ​៤​ ម្តុំ​ចំណោត​ អូរត្រាវ​ក្រុម​ទី​១៧​ ភូមិ​១​ សង្កាត់​លេខ​១​ ក្រុង​/ខេត្ត​ព្រះសីហនុ​ ។

ជនរងគ្រោះមានឈ្មោះ​ មិញ​ បូរ៉េត​ ភេទ​ ប្រុស​ អាយុ​ ៥៦ឆ្នាំ​ មុខរបរ​កម្មករ​ រោងចក្រ​ស្រាបៀរ​អង្គរ​ មានទីលំនៅ​ភូមិ​ពូធឿង​ ឃុំ​បិតត្រាង​ ស្រុក​ព្រៃនប់​ ខេត្ត​ព្រះសីហនុ ​ជិះ​ម៉ូតូ ១គ្រឿង​ម៉ាក​ HONDA C125 ពណ៌ ខ្មៅ ស្លាកលេខ​ ព្រះសីហនុ​1-8387 គាត់​​ បានចេញដំណើរពី​រោងចក្រ​ស្រាបៀរ​អង្គរ​ ឆ្ពោះ​ទៅ​ផ្ទះ​ នៅ​ភូមិ​ពូធឿង​ លុះដល់ចំណុចខាងលើ​ បាន​ប៉ះ​នឹង​ផ្លាក​ពុះ​ដី​លក់​ ដែល​រលំ​បាក់​ធ្លាក់​មក​លើ​ផ្លូវ​ បណ្ដាល​ឲ្យ​ត្រូវ និងរង​របួស​ធ្ងន់។

បន្ទាប់ពីទទួល​បាន​ដំណឹងនេះ​ភ្លាម​ កម្លាំង​នគរបាល​ប៉ុស្តិ៍​រដ្ឋបាល​សង្កាត់​លេខ​១​ បាន​ហៅ​រថយន្ត​សង្គ្រោះ​បញ្ជូន​អ្នក​រងគ្រោះ​ទៅ​សង្គ្រោះ​ នៅ​គ្លីនិក​មិត្តភាព​ឃ្លាំង​លើ​ ក្រោយ​មក​ស្ថានភាព​អ្នក​របួស​ធ្ងន់ធ្ងរ​ពេក​ បាន​បញ្ជូន​ទៅ​សង្គ្រោះ​នៅ​មន្ទីរពេទ្យ​បង្អែក​ខេត្ត​ បាន​ស្លាប់​នៅ​ក្នុង​មន្ទីរពេទ្យ​នៅ​វេលាម៉ោង​ ១២:៣០នាទី​៕

@Amapapa.News

Feature Ads