Thursday, July 12, 2018

លោក ឌូទែរតេ ធ្វើដំណើរទៅទស្សនាដោយផ្ទាល់ ការឡើងសង្វៀនរវាង Pacquiao និង Matthysse នៅម៉ាឡេស៊ី

ពិសី

ប្រដាល់ៈ ប្រធានាធិបតីហ្វីលីពីនលោករ៉ូឌ្រីហ្គោ ឌូទែរតេ នឹងធ្វើដំណើរទៅកាន់ប្រទេសម៉ាឡេស៊ី នៅចុងសប្តាហ៍នេះ ដើម្បីមើលការប្រកួតដោយផ្ទាល់រវាងកីឡាករ Manny Pacquiao និង Lucas Matthysse នៅទីក្រុងកូឡាឡាំពួ និងជួបជាមួយនាយករដ្ឋមន្រ្តីម៉ាឡេស៊ីលោក Mahathir Mohamad។

ខណៈនោះដែរ កីឡាករអាហ្សង់ទីន Lucas Matthysseបានអះអាងថា លោកនឹងមិនចាញ់ច្រាបនោះទេ នឹងវត្តមានរបស់ លោកឌូទែរតេ ទស្សនាការប្រកួតរបស់គាត់ ជាមួយកីឡាករ Manny Pacquiaoដែលជាសមាជិកព្រឹទ្ធសភាហ្វីលីពីន ។

កីឡាករ Matthysse រឹតតែមានកម្លាំងចិត្តក្នុងការនាំយកខ្សែក្រវាត់ត្រឡប់ទៅផ្ទះវិញ ស្របពេលដែលអាហ្សង់ទីន បានជ្រុះចេញពីព្រឹត្តការណ៍ World Cupរួចទៅហើយ។

សូមបញ្ជាក់ថា កីឡាករ Matthysse និងកីឡាករ Pacquiao នឹងជួបគ្នានៅក្នុងទីក្រុងកូឡាឡាំពួ នៅថ្ងៃទី១៥ ខែកក្កដានេះ ជាពេលដែលវគ្គផ្តាច់ព្រ័ត្រ World Cup ធ្វើឡើងដែរនោះ៕

@Amapapa.News

Feature Ads