ភ្នំពេញៈ លោក សុវណ្ណ រិទ្ធី អគ្គនាយក TVFB និងបុរសម្នាក់ដែលមានគណនីហ្វេសប៊ុកឈ្មោះ Chan Nara ត្រូវបានកម្លាំងមានសមត្ថកិច្ចនគរបាលប៉ុស្តិ៍រដ្ឋបាលផ្សារថ្មីទី៣ ហៅឲ្យចូលខ្លួនទៅធ្វើការសាកសួរ ក្រោយពីពួកគេទាំងពីរនាក់មានជម្លោះតាមបណ្តាញសង្គម Facebook ហើយបុរសម្នាក់នោះ បានទៅបង្កជម្លោះដល់ការិយាល័យ បង្កឲ្យមានការភ្ញាក់ផ្អើលយ៉ាងខ្លាំងទៅដល់កម្លាំងមានសម្ថកិច្ចមូលដ្ឋាននោះ។
ហេតុការណ៍នេះ បានកើតឡើងកាលពីវេលាម៉ោង១២ និង១៥នាទីថ្ងៃត្រង់ ថ្ងៃទី២ ខែកក្កដា ឆ្នាំ២០១៨ នៅចំណុចការិយាល័យ TVFB ទីតាំងផ្ទះលេខ ១០Eo ផ្លូវលេខ១៨៤ ក្នុងសង្កាត់ផ្សារថ្មីទី៣ ខណ្ឌដូនពេញ ។
តាមប្រភពព័ត៌មានពីសម្ថកិច្ចបានប្រាប់ឲ្យដឹងថា កាលពីវេលាកើតហេតុខាងលើ មានការភ្ញាក់ផ្អើលមួយបានកើតឡើងនៅក្នុងការិយាល័យរបស់អង្គភាពមួយមានឈ្មោះ TVFB ដោយមានបុរម្នាក់ឈ្មោះ ឡាវ ច័ន្ទណារ៉ា អាយុប្រមាណជាង៣០ឆ្នាំ ម្នាក់បានចូលទៅខាងក្នុងការិយាល័យនោះ។
ដោយបុរសម្នាក់នោះជាម្ចាស់ Account Facebook ឈ្មោះ Chan Nara បានចូលទៅដល់ខាងក្នុងការិយាល័យរបស់អង្គភាព TVFB ដោយមានបំណងចង់ជួបជាមួយនឹងលោក សុវណ្ណ រិទ្ធ ដែលជាអគ្គនាយក ដើម្បីធ្វើការដោះស្រាយអំពីបញ្ហារបស់ពួកគេក្នុងជម្លោះតាមបណ្តាញសង្គម facebook រវាងពួកគេទាំងពីរនាក់ ដែលបានឈ្លោះគ្នាកាលពីប៉ុន្មានថ្ងៃមុនកន្លងមកថ្មីៗនេះ។
តាមប្រភពដដែលបានប្រាប់បន្តទៀតថា ពេលដែលបុរសម្នាក់ឈ្មោះ ឡាវ ច័ន្ទណារ៉ា ចូលទៅដល់ក្នុងទីតាំងខាងលើ និងជួបជាមួយលោក សុវណ្ណរិទ្ធី ជាអគ្គនាយករួចហើយពួកគេទាំងពីរនាក់ ក៏និយាយគ្នាពីរឿងរបស់ពួកគេដែលបានឈ្លោះគ្នាតាមបណ្តាញសង្គមហ្វេសប៊ុកកាលពីពេលកន្លងមក និងធ្វើឲ្យមានការភ្ញាក់ផ្អើលទៅដល់កម្លាំងមានសម្ថកិច្ចមូលដ្ឋាន និងហៅពួកគេទៅកាន់នគរបាលប៉ុស្តិ៍រដ្ឋបាលផ្សារថ្មីទី៣ ដើម្បីធ្វើការសួរនាំឲ្យដឹងរឿងតែម្តង។
ពេលដែលពួកគេទាំងពីរនាក់មកដល់នគរបាលប៉ុស្តិ៍ រួចហើយពួកគេទាំងពីរនាក់នៅតែធ្វើការជជែកគ្នាយ៉ាងតឹងសរសៃ.កដាក់គ្នា ដោយលោក សុវណ្ណ រិទ្ធី បានចោទប្រកាន់ថា បុរសម្នាក់នោះបានធ្វើការជេរប្រមាថរូបគាត់ថា «និងយាយយូរទៅដូចឆ្កួតទៅហើយ អាឆ្កួត បែកថ្នាំ ស្រវឹងឆ្កួត» ជាដើម។
ក្រោយពីបុរសម្នាក់ឈ្មោះ ឡាវ ច័ន្ទណរ៉ា បានខមិនចូលជេប្រមាថក្នុងអាខោនផ្ទាល់ខ្លួនរបស់លោក សុវណ្ណ រិទ្ធី បែបនេះរួចហើយ លោកក៏បានយកលេខទូរស័ព្ទ និងឈ្មោះរបស់បុរសម្នាក់នេះទៅបង្ហោះលើផេកហ្វេកប៊ុករបស់លោកវិញ និងឈ្លោះគ្នាតាមរយៈទូរស័ព្ទផងដែរ។
ក្រោយពេលដែលកម្លាំងមានសមត្ថកិច្ចបានហៅលោក សុវណ្ណ រិទ្ធី អគ្គនាយក TVFB និងបុរសម្នាក់ឈ្មោះ ឡាវ ច័ន្ទណារ៉ា ម្ចាស់អាខោនហ្វេសបប៊ុកឈ្មោះ Chan Nara មកធ្វើការសម្របសម្រួលគ្នាអស់រយៈពេលជាច្រើនម៉ោងមិនត្រូវគ្នានោះ ពួកគេក៏បានដាក់ពាក្យបណ្តឹងគ្នាទៅវិញទៅមក ដើម្បីឲ្យច្បាប់ជួយរកយុត្តិធម៌ដល់ពួកគេរៀងៗខ្លួនជាបន្តទៅទៀតផងដែរ ៕