Monday, August 13, 2018

Update ៖ ជនជាតិចិន បើករថយន្ត Range Rover ទៅបុកគូទរថយន្ត Highlander យ៉ាងពេញទំហឹងនៅស្តុបសន្ធរម៉ុក

អាម៉ាប៉ាប៉ាញ៉ូស

ភ្នំពេញៈ ករណីគ្រោះថ្នាក់ចរាចរណ៍បង្កឡើងដោយរថយន្ត Range Rover មួយគ្រឿង បើកបរដោយជនជាតិចិន ធ្វើដំណើរក្នុងល្បឿនលឿនបានជ្រុលទៅបុកគូទរថយន្ត Highlander កំពុងឈប់ចាំស្តុបពីក្រោយពេញទំហឹង​ បណ្ដាលឲ្យ​រថយន្តទាំង២គ្រឿង រង់ការខូចខាតយ៉ាងដំណំផងដែរ ។

ហេតុការណ៍គ្រោះថ្នាក់ចរាចរណ៍នេះកើងឡើងនៅវេលាម៉ោង០៩និង៤៥នាទីយប់ ថ្ងៃអាទិត្យ​ ទី១២ ខែសីហា ឆ្នាំ២០១៨ ត្រង់ចំណុចស្តុបសន្ធរម៉ុក តាមបណ្តោយផ្លូវកម្ពុជាក្រោម ស្ថិតក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។

សាក្សីនៅក្បែរកន្លែងកើតហេតុបានរៀបរាប់ប្រាប់ភ្នាក់ងារខេមប៉ុស្តិ៍ ដឹងថា នៅមុនពេលកើតហេតុ គេបានឃើញបុរសម្នាក់ បើករថយន្តមួយគ្រឿង ម៉ាក Highlander ពណ៌ស្ករ ពាក់ស្លាកលេខ ភ្នំពេញ​ 2AB-3022 តាមដំណើរតាមបណ្តោយផ្លូវជាតិលេខ៥ ទិសដៅពីលិចទៅកើត លុះមកដល់ចំណុចកើតហេតុ​រថយន្តបានបន្ថយល្បឿន និងឈប់រង់ចាំស្តុប ស្រាប់តែមានរថយន្ត Range Rover មួយគ្រឿងទៀត ពណ៌ស​ ពាក់ស្លាកលេខ ភ្នំពេញ​ 2Q-2222​ បើកបរដោយជនជាតិចិន ធ្វើដំណើរក្នុងល្បឿនលឿនស្របទិសគ្នា ទៅបុកគូទរថយន្ត Highlander ពីក្រោយពេញទំហឹង​ បណ្ដាលឲ្យ​រថយន្តទាំង២គ្រឿង រង់ការខូចខាតយ៉ាងដំណំផងដែរ តែសំណាង​ល្អ មិនបណ្ដាលឲ្យមនុស្សរងរបួសនោះទេ ។

ប្រភពបន្ថែម​ទៀតថា ភ្លាមនោះគេឃើញបុរសជនជាតិចិនបានចុះមកនិយាយភាសាចិន​ រួចបានហៅអ្នកបកប្រែមកជួយនិយាយទើប​ ឲ្យទាក់ទងខាង​ក្រុមហ៊ុន​ធានា​រ៉ាប់រង​ ឲ្យមកចេញសំណងលើការខូចខាតនោះ។

ក្រោយកើតហេតុសមត្ថកិច្ចមូលដ្ឋានបានចុះមកកន្លែងកើតហេតុ ជួយសម្រួលចរាចរណ៍​ និងរង់ចាំក្រុមហ៊ុនធានារ៉ាប់រងរបស់រថយន្ត Range Rover ចុះមកដោះស្រាយសងថ្លៃខូចខាតរថយន្ត Highlander រងគ្រោះដើម្បីបញ្ចប់រឿងនៅកន្លែងកើតហេតុតែម្ដង៕​

@Amapapa.News

Feature Ads