កម្សាន្តៈ បន្ទាប់ពីទទួលបានការចុះកុងត្រាតំណាងផលិតផលទឹកដោះគោល្បីឈ្មោះ ហើយកូនស្រីជាអ្នកផ្សព្វផ្សាយ ធ្វើឲ្យឪពុកម្តាយកាន់តែមានក្តីស្រឡាញ់ ក្រោយពេលកូននាំលាភ។ មិនទាន់ទាំងបាត់ធំក្លិនកុងត្រាផង ស្រាប់តែស្រីមុំ រំលេចសាខាហាងរក្សាសម្រស់យ៉ាងធំមួយ ក្នុងចំនួនទឹកប្រាក់ច្រើនគួរសម ។
គេដឹងថា ស្រីមុំ និងលោក សីហា មានមុខរបរជាអ្នកលក់ផលិតផលដ៏មានគុណភាព ហើយទទួលបានភាពជោគជ័យ និងការគាំទ្រពីអតិថិជនទាំងក្រុង និងតាមបណ្តាខេត្ត ហើយមានទាំងអ្នកទិញសិទ្ធិយកទៅលក់បន្តជាច្រើនសាខា។ ដូចនេះហើយធ្វើឲ្យស្រីមុំកាន់តែមមាញឹកហើយរកពេលសម្រាកមិនបានក្រោយការរកស៊ីកាន់តែស្ទុះឡើង ។
តាមការឲ្យដឹងពីតារាសម្តែងស្រីកូនមួយវ័យក្មេង ស្រីមុំ បាននិយាថា នេះជាសាខាទី៧ ដែលអតិថិជនរបស់ខ្លួនបានទិញសិទ្ធិលក់បន្ត នូវផលិតផលថែររក្សាសម្រស់ ម៉ូម៉ូ (MOMO BY SREYMOM) ដែលជាផលិតផលផលិតតាមស្តង់ដារអន្តរជាតិ ពោលរាល់ផលិតផលរបស់ ម៉ូម៉ូ (MOMO BY SREYMOM) ទាំងអស់ ត្រូវបានឆ្លងកាត់តាមក្រសួងពាក់ព័ន្ធ ដូចជាក្រសួងសុខាភិបាល ដែលធ្វើឲ្យអ្នកប្រើប្រាស់ មិនព្រួយបារម្ភចំពោះការប្រើផលិតផលគ្មានគុណភាព ។
អ្នកនាងបញ្ជាក់បន្ថែមថា ដូចកញ្ញា ឯម សុភីយ៉ា ម្ចាស់សាខា ម៉ូម៉ូ ស្ទឹងមានជ័យ គឺជាអតិថិជនប្រើប្រាស់ផលិតផលរបស់ម៉ូម៉ូ ផ្ទាល់តែម្តង ដោយប្រើប្រាស់មានគុណភាពល្អ មិនប៉ះពាល់សុខភាព ដូច្នេះហើយទើបគាត់ មានបំណងចង់ចែកចាយផលិតផល ម៉ូម៉ូ តែម្តង ។
តារាស្រីល្បីខាងធ្វើជំនួញនេះ បានលើកឡើងថា តាំងពីកូននាងមកចាប់កំណើតក្នុងផ្ទៃ ហាក់ដូចជានាំសំណាងឲ្យគ្រួសារជាបន្តបន្ទាប់ ហើយនាងពិតជាសប្បាយចិត្តខ្លាំងណាស់។ តាមការបញ្ជាក់ គង់ ចាន់ស្រីមុំ ប្រហែលជាត្រូវផ្អាកលក់ franchise សិន ដោយទុកពេលពង្រឹងសាខាទាំងអស់ ដែលបានបើករួចហើយ ឲ្យកាន់តែមានភាពរឹងមាំសិន និងម្យ៉ាងទៀតនាងចង់លក់ដោយខ្លួនឯងតែម្ដង៕
