Tuesday, August 7, 2018

អតីតគ្រូទស្សនវិទ្យា ស្បថជូនសម្តេចតេជោ ថាការបោះឆ្នោត តួលេខ លទ្ធផលគឺក្លែងក្លាយ

រិទ្ធី

ក្រោយសម្តេចតេជោ ហ៊ុន សែន បានបបួលមន្ត្រីជាន់ខ្ពស់អតីតគណបក្សសង្គ្រោះជាតិ ជាពិសេសលោក សម រង្ស៊ី    ឱ្យស្បថស្លាប់គ្រប់ទម្រង់ពាក់ព័ន្ធនិងលោក សម រង្ស៊ី ចោទថាការបោះឆ្នោតកន្លងទៅ ជាការបោះឆ្នោតក្លែងក្លាយ និងបំប៉ោងតួលេខអ្នកទៅបោះឆ្នោត។

លោក ស៊ន តារា អតីតគ្រូបង្រៀនទស្សនវិទ្យា បានឆ្លើយតមទៅសម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាថា៖ ខ្ញុំស្បថជូនសម្តេច បោះឆ្នោត​ តួលេខ​ លទ្ធផលគឺក្លែងក្លាយ។  លោក ស៊ន តារាបញ្ជាក់ថា​បើមិនមែនក្លែងក្លាយសូមឲ្យចាញ់សម្បថ៤ចំណុច៖

១- ធ្វើដំណើរ​តាមផ្លូវ​ត្រូវឡានបុកស្លាប់ ក្រឡាប់ឡានស្លាប់។ ២- ជិះយន្តហោះធ្លាក់ស្លាប់ខ្ទេចដូចផេះ។ ៣- បើមានជំងឹបេះដូងសូមឱ្យគាំងស្លាប់ លើសឈាមសូមឲ្យដាច់សសៃឈាមដួលស្លាប់ ឬបត់កស្លាប់លើខ្នើយ និង៤- ធ្វើដំណើរ​ពេលភ្លៀងសូមរន្ទះបាញ់ស្លាប់។

ប៉ុន្តែបើការបោះឆ្នោត តួលេខ​ លទ្ធផល​ពិតជាក្លែងក្លាយវិញ លោក ស៊ន តារា សូមឱ្យក្តីវិនាសមហន្តរាយទាំង៤ខាងលើធ្លាក់លើសម្តេចកុំបីខាន។ សូមអំណាចព្រះធម៌ ព្រះជាម្ចាស់កត់ត្រា ធ្វើជាសាក្សី រួចប្រទានផលទាំង៤ខាងលើមករូបខ្ញុំ ឬតេជោសែនតាមសច្ចៈ យុត្តិធម៌​។ ហ៊ុន​ សែន​ចប់ហើយ។

បុរសមុខស្ងួតសម្បូរវោហាររូបនេះធ្លាប់និយាយថា៖ ពេលសម្តេច ហ៊ុន​ សែន ​ឈឺ​ តើគាត់ទៅស្បថ ឬទៅពេទ្យពិនិត្យនិងព្យាបាល? ចង់ដឹងថា៨២%ក្លែងក្លាយ​ឬអត់មិនត្រូវស្បថទេ ត្រូវប្រកួតជាមួយសង្រ្គោះជាតិ ទើបពិនិត្យឃើញជាក់ស្តែង ដូចសម្តេចមានជំងឺត្រូវទៅពេទ្យពិនិត្យ មិនមែនស្បថពិនិត្យទេ។ សម្តេច ហ៊ុន​ សែន​ក៏មិនត្រូវបបួលសម រង្ស៊ី ស្បថដែរ ត្រូវហៅជប៉ុន អឺរុប​២​៨ប្រទេស​ អាមេរិក​ ពិភពលោកទាំងមូលដែលទាត់ចោលការបោះឆ្នោតក្លែងក្លាយលើកលែងតែពួកកុម្មុនីស្ត និងជនផ្តាច់ការ។ ទង្វើនេះនាំឲ្យខ្មែរដឹងថាហ៊ុន សែនទុច្ចរិតពិត មិនមែនទុច្ចរិតក្លែងក្លាយ ហ៊ុន​ សែន​បោក​ពិត​ មិនមែនបោកក្លែងក្លាយ។

គួររំលឹកថា ក្រោយការបោះឆ្នោតនីតិកាលទី៦ ប្រទេសប្រជាធិបតេយ្យលោកខាងលិចសំដែងការមិនពេញចិត្តចំពោះការរៀបចំការបោះឆ្នោតនេះ។

@Amapapa.News

Feature Ads