Tuesday, August 21, 2018

យុវតីសិស្សសាលាម្នាក់ ត្រូវរថយន្តមិនស្គាល់ម៉ាកមួយគ្រឿង​ បុករបួសធ្ងន់

អាម៉ាប៉ាប៉ាញ៉ូស

រតនគិរីៈ យុវតីសិស្សសាលាម្នាក់ ត្រូវរថយន្តមិនស្គាល់ម៉ាកមួយគ្រឿង បើកបុកហើយរត់គេចខ្លួនបាត់ស្រមោល ខណៈយុវតីរងគ្រោះកំពុងជិះម៉ូតូលើដងផ្លូវជាតិ។

គ្រោះថ្នាក់ចរាចរណ៍នេះ បានកើតឡើងនៅវេលាម៉ោង៨៖១០នាទីយប់​ថ្ងៃចន្ទ ៩កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២០ ខែសីហា ឆ្នាំ២០១៨ តាមបណ្តោយផ្លូវជាតិលេខ៧៨ នៅត្រង់ចំណុចមុខកាឡាក់ស៊ី ស្ថិតនៅក្នុងភូមិអូរកន្សែង សង្កាត់បឹងកន្សែង ក្រុងបានលុង។

យុវតីរងគ្រោះឈ្មោះ ចាន់​ ស្រី​លី​លី អាយុ១៧ឆ្នាំ ជាសិស្ស ជនជាតិវៀតណាម មានទីលំនៅភូមិ ជ័យ​នះ សង្កាត់ឡាបានសៀក ក្រុងបានលុង របួស​ធ្ងន់ ត្រូវបានដឹកបញ្ជូនមកកាន់មន្ទីរពេទ្យបង្អែកខេត្តដើម្បីព្យាបាល ជិះម៉ូតូម៉ាក ធូដេ ពណ៌ក្រហម ពាក់ស្លាកលេខ រតនគិរី 1B-6290 ចំណែករថយន្តបង្កមិនស្គាល់ម៉ាក ក្រោយកើតហេតុ បានបើករត់គេចខ្លួនបាត់ស្រមោលឈឹង។

ក្រោយកើតហេតុ​ ម៉ូតូត្រូវបានកម្លាំងជំនាញយកទៅរក្សារទុកនៅការិយាល័យចរាចរណ៍នៃស្នងការដ្ឋាននគរបាលខេត្ត ដើម្បីស្វែងរករថយន្តបង្កហេតុមកទទួលខុសត្រូវចំពោះមុខច្បាប់៕

@Amapapa.News

Feature Ads