header ads

Sponsor

អាម៉ាប៉ាប៉ាញ៉ូស

ខេត្តសៀមរាប ៖ ​កាលពី​វេលា​ម៉ោង០៤ និង០៥នាទី​ទៀបភ្លឺ ថ្ងៃទី១៥ ខែសីហា ឆ្នាំ២០១៨នេះ មានករណី ឃាតកម្ម​សាហាវ ដោយចាក់សម្លាប់មន្ត្រីប៉ូលិស​ម្នាក់ ចំនួន១០កំាបិត ​បាន​កើតឡើងស្ថិតនៅ​ចំណុច​ផ្លូវ​គ្រួស​ក្រហម ក្រុមទី១១ ភូមិ​ធ្លក​អណ្តូង សង្កាត់​ស្លក្រាម ក្រុង​សៀមរាប ខេត្តសៀមរាប។

ករណី​ឃាត​កម្មនេះ បង្កឡើង​ដោយ​ជនសង្ស័យ​ពុំ​ស្គាល់អត្តសញ្ញាណនៅឡើយ បានធ្វើ​សកម្មភាព​ចាក់ទៅលើ​ជនរងគ្រោះ​ចំនួន១០កាំបិត​សឹងតែសុះសាច់ បណ្តាលឲ្យជនរងគ្រោះ​ស្លាប់ភ្លាមៗនៅនឹងកន្លែង​កើតហេតុ។ 

ជនរងគ្រោះ​មានឈ្មោះ ហ៊ឹម សុ​វណ្ណា​រ៉ូ ភេទ​ប្រុស អាយុ២៦ឆ្នាំ មុខរបរ នគរបាល​ប៉ុស្ដិ៍​គោកចក រស់នៅ​ភូមិ​ធ្លក​អណ្តូង សង្កាត់​ស្លក្រាម ក្រុង​សៀមរាប ខេត្តសៀមរាប។

បើតាមការសន្និដ្ឋានជាជំហានដំបូង ជនរងគ្រោះ​ និង​ជនសង្ស័យ​អាចមាន​គំនុំ​នឹង​គ្នា​ទើប​ឈានដល់​ធ្វើឃាត ករណីនេះ​សមត្ថកិច្ច​ជំនាញ​កំពុងធ្វើការ​ស៊ើបអង្កេត​ស្រាវជ្រាវ។

ក្រោយពិនិត្យសាកសពរួច ​ជនរងគ្រោះ​ត្រូវបាន​ប្រគល់ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី។ ចំណែក​ជនសង្ស័យ​ត្រូវបាន​សមត្ថកិច្ច​កំពុងធ្វើការ​ស្រាវជ្រាវ ដើម្បី​យកមក​ផ្តន្ទាទោស​ទៅតាម​ផ្លូវច្បាប់៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post