Wednesday, August 22, 2018

អន្តោប្រវេសន៍​ឥណ្ឌា១៤នាក់ ត្រូវបានឃាត់ខ្លួន នៅ​ផ្សារថ្មី២

អាម៉ាប៉ាប៉ាញ៉ូស

ភ្នំពេញៈ ជនជាតិឥណ្ឌា១៤នាក់ ត្រូវបានសមត្ថកិច្ចការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ ធ្វើការ​ឃាត់ខ្លួន កាលពីវេលាម៉ោង៨ព្រឹកថ្ងៃពុធ ១១កើត ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២២ ខែសីហា ឆ្នាំ២០១៨ នៅផ្ទះលេខ៣០E1 និងផ្ទះលេខ៣៤ ផ្លូវលេខ៨១ សង្កាត់ផ្សារថ្មី២ ខណ្ឌដូនពេញ។

ប្រតិបត្តិការនេះ ​ដឹកនាំដោយលោកអនុសេនីយ៍ឯក វង្ស ខេមរា ជានាយរងការិយាល័យ និងលោកអនុសេនីយ៍ឯក ចុល ចេក ជានាយរងការិយាល័យ សហការជាមួយ កម្លាំងសមត្ថកិច្ចមូលដ្ឋានប៉ុស្តិ៍ផ្សារថ្មី២ ខណ្ឌដូនពេញ ។

ជាលទ្ធផលបានធ្វើការឃាត់ខ្លួនជនជាតិឥណ្ឌាចំនួន១៤នាក់ ២នាក់ មានលិខិតឆ្លងដែន និង​មានបណ្ណ័ការងារត្រឹមត្រូវ ចំណេក​១២នាក់ទៀត មានលិខិតឆ្លងដែន តែគ្មានបណ្ណ័ការងារត្រឹមត្រូវ។

បច្ចុប្បន្នជនជាតិឥណ្ឌាទាំង១៤នាក់ ត្រូវបាន​សមត្ថកិច្ចបានបញ្ជូនទៅកាន់អគ្គ​នាយដ្ឋានអន្តោប្រវេសន៍ ដើម្បីដោះស្រាយបន្ត៕

@Amapapa.News

Feature Ads