ភ្នំពេញៈ ប្រទេសកម្ពុជា គឺជាជម្រកដ៏សំខាន់របស់សត្វត្មាត ដែលជាប្រភេទកំពុងរងគ្រោះជិតផុតពូជជាសកល ដូចជាត្មាតភ្លើង, ត្មាតផេះ, ត្មាតត្នោត ។
យោងតាមគេហទំព័រហ្វេសប៊ុករបស់ WCS នៅថ្ងៃទី២៨ ខែសីហា ឆ្នាំ២០១៨ បានឲ្យដឹងថា សត្វត្មាតអាចនាំមកនូវសំណាងល្អ! ជាការពិតណាស់ សត្វត្មាត គឺជាប្រភេទសត្វស្លាបដ៏កម្រ និងមានតួនាទីយ៉ាងសំខាន់ក្នុងការសម្អាតបរិស្ថាន ។
WCS បន្ដថា សត្វត្មាតមិនសម្លាប់សត្វធ្វើជាអាហារនោះទេ ពួកវាបរិភោគសាកសពស្អុយរលួយដែលងាប់ក្នុងព្រៃ និងក្បែរសហគមន៍ ដែលអាចជួយកាត់បន្ថយការរីករាលដាល នៃជំងឺឆ្លងនានា ហើយថែមទាំងជួយបង្កើនជីវភាពសហគមន៍តាមរយៈអេកូទេសចរណ៍៕
