Thursday, August 2, 2018

ឲ្យរាងថ្ងៃក្រោយ! ចូលទៅហាមកុំឲ្យផឹកស៊ីឡូឡា ដូចចូល​ទៅរងមុខកាំបិតអ្នកប្រមឹក

ពិសី

កំពង់ធំៈ បុរសម្នាក់ រងមួយកាំបិត របួសធ្ងន់ ក្រោយពីចូលទៅហាមឃាត់គេកុំឲ្យផឹកស៊ីឡូឡា តែត្រូវជនប្រមឹកខឹងទាញកាំបិទដេញកាប់តែម្ដង។

ករណីហិង្សាដោយចេតនាខាងលើនេះ បានកើតឡើងកាលពីវេលាម៉ោង៤៖៣០នាទីល្ងាចថ្ងៃ១ ខែសីហា ឆ្នាំ២០១៨ នៅភូមិស្វាយស ឃុំកំពង់ចិនត្បូង ស្រុកស្ទោង ខេត្តកំពង់ធំ។

សមត្ថកិច្ច បានឲ្យដឹងថា ជ​នបង្កឈ្មោះ ស៊ឹម ធារ៉ា ហៅ​ក្រឹម ភេទប្រុស អាយុ២៦ឆ្នាំ រស់​នៅភូមិស្វាយស ឃុំកំពង់ចិនត្បូង ជាមនុស្សបែកថ្នាំ។ ជនរងគ្រោះឈ្មោះ ឡែម សុភី ភេទប្រុស អាយុ៣៤ឆ្នាំ រស់នៅភូមិ​កំពង់ចិន ឃុំកំពង់ចិនត្បូង ស្រុកស្ទោង ខេត្តកំពង់ធំ។

មុនពេលកើតរឿងរ៉ាវ គឺ​ជនរងគ្រោះ​បានមកដេកលេងនៅលើអង្រឹងក្រោមផ្ទះបងស្រី រីឯជនបង្កបានផឹកស៊ីស្រវឹង ហើយឡូឡា នៅតូបលក់ដូររបស់បងស្រី មានសភាពច្រង៉ែងច្រង៉ាង  ទើបរងគ្រោះ​ទៅឃាត់កុំឲ្យឡូឡា នៅកន្លែងបងស្រីលក់ដូរ ពេលនោះជនបង្ក​បានយកកាំបិតបុ័ងតោ ដេញកាប់ទៅលើជនរងគ្រោះ ឃើញដូចនោះជនរងគ្រោះក៏រត់គេច មកបុកនឹងម៉ូតូ បណ្តាលឲ្យដួល ទើបជនបង្ក​កាប់មកលើជនរងគ្រោះ ត្រូវចំ​កែងជើងខាងស្តាំ។ ពេលកាប់រួចជនបង្ក​បានរត់គេចខ្លួន ពីកន្លែងកើតហេតុ តែត្រូវសមត្ថកិច្ចតាមឃាត់ខ្លួនបាន។ ចំណែកជនរងគ្រោះ ត្រូវបានបងប្អូនយកមកព្យាបាល នៅមន្ទីរពេទ្យបង្អែកស្រុកស្ទោង៕

@Amapapa.News

Feature Ads