header ads

Sponsor

អាម៉ាប៉ាប៉ាញ៉ូស

កែបៈ លោក បែន តារា ស្នងការរងខេត្តព្រះសីហនុ និងជាកូនប្រសាលោកស្រី ស៊ុយ សុផាន ត្រូវបានប្រកាសតែងតាំងជា​ស្នងការនគរបាល​ នៃស្នងការដ្ឋាននគរបាលខេត្តកែប ផ្លូវការហើយ ​ជំនួសឧត្តមសេនីយ៍ទោ អ៊ីង សំអុល អតីតស្នងការ​។

ពិធីប្រកាសផ្ទេរភារកិច្ច និងតែងតាំងមុខតំណែង​នេះ ធ្វើឡើងនៅព្រឹក​ថ្ងៃទី២៤ ខែសីហា ឆ្នាំ២០១៨ នៅ​ស្នងការដ្ឋាននគរបាលខេត្តកែប ក្រោមអធិបតីភាពនាយឧត្ដមសេនីយ៍  ប៉ែន វិបុល អគ្គស្នងការរង និងប្រធាននាយកដ្ឋានបុគ្គលិក និងជាដំណាងដ៏ខ្ពង់ខ្ពស់របស់អគ្គស្នងការនគរបាលជាតិ និង​មានការអញ្ជើញរួមពីសំណាក់លោក​ កែន សត្ថា អភិបាល នៃគណៈ អភិបាលខេត្តកែប ព្រមទាំង​មន្ត្រីរាជការ ជុំវិញខេត្តយ៉ាងច្រើនកោះករផងដែរ។

ក្នុងឱកាសនោះដែរ នាយឧត្តមសេនីយ៍ ប៉ែន វិបុល ​បានជំរុញ​​ឲ្យ​ស្នងការនគរបាលខេត្តកែប ទើបប្រកាសថ្មី ត្រូវសិក្សាស្វែងយល់ពីភូមិសាស្ត្រ និងថ្នាក់ក្រោម​ ថា​តើកងកម្លាំងចង់បានអ្វី ហើយចំពោះថ្នាក់ក្រោមវិញ ក៏ត្រូវស្វែងយល់ និងគោរពថ្នាក់លើរបស់ខ្លួនវិញដែរ។ កត្តាទាំងអស់នេះហើយ សម្រាប់សម្រួលដល់ការងារឲ្យបានជោគជ័យ និងដំណើរការការងារដោយរលូន និងបន្ដរក្សាសាមគ្គីភាពផ្ទៃក្នុង ពង្រឹង និងបង្កើតសមត្ថភាពរបស់មន្ដ្រីទាំងអស់ មិនត្រូវប្រកាន់បក្ខពួក ឬក្រុមណាឡើយ។

សូមជម្រា​បដែរថា​ ការប្រកាសចូលកាន់តំណែងជាស្នងការ​របស់លោក​ ឧត្តមសេនីយ៍​ ​បែន​ តារា​ នេះ​ បន្ទាប់ពី​លោក​ឧ​ត្ត​ម​សេនីយ៍​ទោ អ៊ីង សំអុល អតីតស្នងការខេត្តកែប បាន​ផ្លាស់ទៅកាន់​តំណែង​ជា​ប្រធាន​នាយកដ្ឋាន​កិច្ចការ​ប៉ុស្តិ៍​នគរ​បាល​រដ្ឋបាល នៃ​អគ្គស្នងការ​ដ្ឋាននគរបាល​ជាតិ នៃក្រសួងមហាផ្ទៃវិញ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post