header ads

Sponsor

ពិសី

មណ្ឌលគិរីៈ កម្លាំងនគរបាលស្រុកកោះញែក បានឃាត់ខ្លួនជនជាតិវៀតណាម៧នាក់ ព្រមទាំងរថយន្តធុ​នកូរ៉េ ៣គ្រឿង នៅចំណុចភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី នាម៉ោង៤ល្ងាច ថ្ងៃទី១ ខែសីហា ឆ្នាំ២០១៨ ម្សិលមិញ។

ប្រភពពីនគរបាលខ្លះ បានបញ្ជាក់ថា​ ការឃាត់ខ្លួន​ជនជាតិវៀតណាម និងរថយន្តខាងលើនេះ គឺគ្រាន់​តែ​ពុំមានឯកសារគ្រប់គ្រាន់ប៉ុណ្ណោះ។ ហើយ​ក្រោយការឃាត់បាន​ រថយន្ត និងជនជាតិវៀតណាមទាំងនោះ ត្រូវបញ្ជូនទៅស្នងការដ្ឋាននគរបាលខេត្តមណ្ឌលគិរីភ្លាមៗផងដែរ​។

ប្រភពផ្សេង​មួយទៀត បានបង្ហើបថា មូលហេតុនៃការឃាត់នោះ ដោយសារតែរថយន្តវៀតណាមខាងលើចូលមកដល់កម្ពុជា បំពាក់ស្លាកលេខខ្មែរ ទាំងដែលរថយន្តទាំងនេះ ជារថយន្តមកពីប្រទេសវៀតណាម។

ទោះជាយ៉ាងណានៅព្រលប់ថ្ងៃដដែលនេះ ស្នងការនគរបាលខេត្តរតនគិរីលោកឧត្តមសេនីយ៍ទោ ឡោ សុខា មិនទាន់ឆ្លើយបានបន្លឺបានទេ ពាក់ព័ន្ធករណីខាងលើនេះ​។

ជុំវិញករណីនេះដែរ មានការលើកឡើងថា តើរថយន្តទាំងនោះ គេចូលមកដឹកអ្វីនៅស្រុកកោះញែក ចាំបាច់ក្លែងបន្លំឯកសារ ពិសេស​ប្តូរផ្លាស់ស្លាកលេខ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post