Saturday, August 18, 2018

ជនជាតិចិន មកស្រុកខ្មែរ ខ្វះរបររក​ស៊ី ជិះ​ម៉ូតូ​ឆក់កាបូបអាជីវករ ក្នុងក្រុងអច្ឆរិយ

អាម៉ាប៉ាប៉ាញ៉ូស

សៀមរាបៈ ជនជាតិចិន២នាក់ សង្ស័យមកស្រុកខ្មែរ មិនដឹងធ្វើការងារ ឬក៏​ចាញ់ល្បែងអស់លុយពីខ្លួន បានជាបែកគំនិតជិះម៉ូតូធ្វើសកម្មភាពឆក់កាបូបលុយពីបងប្អូនអាជិវករម្នាក់ តែសំណាងអាក្រក់មិនបានសម្រេច ហើយក៏ជាប់ខ្នោះរបស់សមត្ថកិច្ច។

អធិការនគរបាលស្រុកសូទ្រនិគម លោកវរសេនីយ៍ឯក ណុប សារ៉ាក់ បានឲ្យ​ដឹងនៅ​មុននេះបន្តិចថា គ្រាន់តែលោកទទួលដំណឹងពីបងប្អូនពលរដ្ឋរាយការណ៍ថា មានករណីចោរឆក់កាបូបលុយ ហើយ​បានជិះម៉ូតូគេចខ្លួនតាមផ្លូវជាតិលេខ៦ ពេលនោះរូបលោកបានបញ្ជាឲ្យកម្លាំង​ផ្នែកព្រហ្មទណ្ឌនៃអធិការនគរបាលស្រុកសូទ្រនិគម នឹងប៉ុស្តិ៍របាលចាំស្ទាក់គ្រប់ទីកន្លែង រហូតធ្វើការឃាត់ខ្លួនជនសង្ស័យ២នាក់ ជាជនជាតិចិន នឹងដកហូតម៉ូតូជាមធ្យោបាយរបស់ជនសង្ស័យជិះធ្វើសកម្មភាព១គ្រឿងម៉ាករីវ៉ូ សេរី១៩៩៩ ពណ៌ខ្មៅ ស្លាកលេខភ្នំពេញ 1X2046 នៅចំណុចឃុំកៀនសង្កែ ស្រុកសូទ្រនិគម។

លោកអធិការបន្តថា ជនរងគ្រោះឈ្មោះ យឹម ចន្ថា ហៅស្រី ភេទស្រី អាយុ៥៦ឆ្នាំ ទីលំនៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប មុខរបរលក់ត្រី។ ចំណែកជនសង្ស័យសមត្ថកិច្ចមិនស្គាល់អត្តសញ្ញាណនៅឡើយទេ។

ក្រោយឃាត់ខ្លួន សមត្ថកិច្ចបាននាំជនសង្ស័យទៅសាកសួរនៅ​អធិការដ្ឋាននគរបាលស្រុក​  រួចធ្វើ​កំណត់ហេតុបញ្ជួនជនសង្ស័យទាំង២នាក់ទៅមន្ត្រីជំនាញអន្តោប្រវេសនៃស្នងការដ្ឋាននគរបាលខេត្តសៀមរាប ចាត់ការតាមនីតិវិធីផ្លូវច្បាប់បន្ត៕

@Amapapa.News

Feature Ads