Tuesday, August 7, 2018

អុញនោះ! កំពុងបើកសុខៗ កង់រត់ទៅមុនឡាន ជ្រុលបុកអាព្រូស ឲ្យខូចខាតបន្តិចបន្តួច

ពិសី

ភ្នំពេញៈ មានហេតុការណ៍ភ្ញាក់ផ្អើល​មួយទាំងព្រឹក ដោយសារតែរថយន្តកូរ៉េដឹកទំនិញមួយគ្រឿង បើកតាមដងផ្លូវសុខៗ ស្រាប់តែដាច់កង់ខាងក្រោយចេញពីគ្នា រួចរត់ទៅមុនឡាន​ប្រមាណជា​៣០០ម៉ែត្រ​ ក៏ទៅប៉ះជាមួយរថយន្តមួយគ្រឿងទៀត បណ្ដាលឲ្យរងការខូចខាតបន្តិចបន្តួច។ ហេតុការណ៍នេះ បានកើតឡើងកាលពីវេលាម៉ោង​១០៖៣០នាទី ព្រឹក​ថ្ងៃទី៧​ ខែសីហា​ ឆ្នាំ២០១៨​ នៅចំណុចមុខក្រសួងទេសចរណ៍​ តាមបណ្តោយផ្លូវលេខ១៦៩​ ស្ថិតក្នុងសង្កាត់វាលវង់ ខណ្ឌ៧មករា​ រាជធានីភ្នំពេញ។

ប្រភពព័ត៌មាន​ពីកន្លែងកើតហេតុ​ បានឲ្យដឹងថា​ មុនកើតហេតុ​ គេបានឃើញរថយន្តកូរ៉េដឹកទំនិញ​មួយគ្រឿង​ ពណ៌សលាយខៀវ​ ពាក់ស្លាកលេខ​ ភ្នំពេញ​ 2S-7852​ បានធ្វើដំណើរក្នុងទិសដៅពីជើងទៅត្បូង​ ដោយបើកបរក្នុងល្បឿនតិចៗ។ ខណៈពេលបើកមកដល់ចំណុចមុខក្រសួងទេសចរណ៍​ រថយន្តបានដាច់កង់ខាងក្រោយចេញពីរថយន្ត រួចរត់ទៅមុខប្រមាណជា​៣០០គីឡូម៉ែត្រ​ ដល់មុខចំណុចវិទ្យាល័យបាក់ទូក ស្រាប់តែកង់រថយន្តនោះ បានបត់ឆ្វេង​ដៃបុកជាមួយរថយន្តមួយគ្រឿង​ម៉ាក​ Prius ពណ៌ស​ ពាក់ស្លាកលេខ​ ភ្នំពេញ​ 2AK-2926 បានបើកបរក្នុងទិសដៅពីត្បូងទៅជើង​ (បញ្ច្រាសទិសគ្នា) បណ្តាលឲ្យរងការខូចខាតបន្តិចបន្តួច​។

ក្រោយកើតហេតុ​ សមត្ថកិច្ចមូលដ្ឋានបានចុះមកដល់កន្លែង​ និងបានហៅម្ចាស់រថយន្តខាងលើ​ ទៅធ្វើការណែនាំនៅអធិការដ្ឋាននគរបាលខណ្ឌ៧មករា​។ ចំណែកឯរថយន្តរងគ្រោះខាងលើ​ មិនទាមទារសំណងអ្វីនោះឡើយ៕

@Amapapa.News

Feature Ads