header ads

Sponsor

រិទ្ធី

លោក សួន សេរី​រដ្ឋា អតីតប្រធានគណបក្សអំណាចខ្មែរត្រូវបានគណបក្ស​អំណាច​ខ្មែរ​បដិសេធលើសំណើសុំធ្វើជាប្រធានបក្សសារជាថ្មី។ លោក សួន សេរី​រដ្ឋា ប្រាប់ថាចង់​ចូលរួម​អាជីព​នយោបាយជាមួយ​គណបក្ស​ប្រជាធិបតេយ្យ​មូលដ្ឋាន ដើម្បី​បន្ត​ទិសដៅ​នយោបាយ​រួមគ្នា ក្នុងការ​ប្រកួតប្រជែង​ន​យា​បាយ​ជាមួយ​គណបក្ស​ដទៃ​។

អតីតប្រធានបក្សដែល​ធ្លាប់​រិះគន់​រដ្ឋាភិបាល​ឥត​សំចៃមាត់រូប​នេះបានបញ្ជាក់​ថា​៖​ គណបក្ស​ដែល​ខ្ញុំគិតថា​អាច​ចូលរួម​ធ្វើ​នយោបាយ​ជាមួយគ្នា​បាន​នោះ គឺ​គណបក្ស​ប្រជាធិបតេយ្យ​មូលដ្ឋាន ព្រោះ​ខ្ញុំ​ធ្លាប់​ជួប​ពួកគាត់​នៅក្នុង​កម្មវិធី​សិក្ខាសាលា​ជាច្រើន​នាពេល​កន្លងមក​។

លោក អះអាងថា៖ គណបក្សប្រជាធិបតេយ្យមូលដ្ឋានមាន​គោលនយោបាយ​ត្រឹមត្រូវ ស្របតាម​គោល​គំនិត​ខ្លួន ទាំង​ភាសា​និយាយ និង​ការប្រើប្រាស់​ការទូត ដោះស្រាយ​បញ្ហា​ជាដើម​។​

លោកបន្ថែមថា បើ​យើង​អាច​ចូលរួម​ជាមួយគ្នា យើង​នឹង​ពិភាក្សា​ពី​គោលនយោបាយ​ដាក់​ទិសដៅ​រួមគ្នា​លើ​តុ ខ្ញុំ​មាន​គោល​គំនិត​នេះ គាត់​មាន​គោល​គំនិត​នោះ តើ​យើង​អាច​ពិភាក្សា​រក​ចំណុច​រួមគ្នា ធ្វើការ​ជាមួយគ្នា​បានទេ​។ លោក សួន សេរី​រដ្ឋា បានកំណត់ទិសដៅ​នយោបាយគឺ​បំណង​បង្កើត​គណបក្ស​ថ្មី ឬក៏​ចូលរួម​អាជីព​នយោបាយ​ជាមួយ​គណបក្ស​ដទៃ​។​

​​​លោក សួង សុ​ភ័​ណ្ឌ ប្រធានគណបក្សអំណាចខ្មែរដែល​ទទួលបាន​តំណែង​ប្រធាន​​មួយឆ្នាំ ក្រោយពី​លោក សួន សេរី​រដ្ឋា លាលែង​តំណែងនេះ បាននិយាយថាគណបក្ស​​គ្មាន​គម្រោង​ធ្វើ​សមាជ​បក្ស ដើម្បី​បោះឆ្នោត​គាំទ្រ​ឲ្យ​លោក សួន សេរី​រដ្ឋា ធ្វើជា​ប្រធាន​បក្ស​ទេ ក្រោម​ហេតុផល​ធំ​ៗ២ ទី​១ គណបក្សអំណាចខ្មែរ ​អាចមាន​ជំហរ​រឹងមាំ​គ្រប់គ្រាន់ ក្នុងការ​ប្រកួតប្រជែង​នយោបាយ និងទី​២ គណបក្ស​អំណាចខ្មែរ ដឹកនាំ​បែប​នីតិបុគ្គល មិនមែន​បែប​រូបវ័ន្ត​បុគ្គល ដែល​ត្រូវមាន​បុគ្គល​សំខាន់​ជា​និមិត្តរូប ទើប​ដឹកនាំ​បក្ស​បាន ដូច​គណបក្ស​ដទៃ​ឡើយ។

សូមរំលឹកថា​ ប្រធានគណបក្សអំណាចខ្មែរ មិនចូលរួមក្នុងបោះឆ្នោតជ្រើសតាំងតំណាងរាស្រ្តនីតិកាលទី៦កាលពីចុងខែកក្កដា កន្លងទៅនោះទេ។

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post