header ads

Sponsor

រិទ្ធី

ក្រោយពីលោក សុខសុវណ្ណ វឌ្ឍនាសារពង្ស ប្រធានគណបក្សខ្មែរក្រោកប្រកាសបើកយុទ្ធនាការ «ស្នាមមេដៃមួយដើម្បីកោះត្រល់» ដែលនឹងចាប់ផ្ដើមនៅថ្ងៃទី៨ ខែសីហា ឆ្នាំ ២០១៨ ខាងមុខនេះ នៅទីស្នាក់ការគណបក្សរួចមក។

មានប្រតិកម្មជាហូរហែទៅនឹងយុទ្ធនាការនេះ តួយ៉ាងលោក ពេជ្រ ស្រស់ ប្រធានគណបក្សយុវជនកម្ពុជា នៅថ្ងៃទី០៣ ខែសីហា ឆ្នាំ២០១៨ នេះ បានសរសេរក្នុងបណ្តាយសង្គមហ្វេសប៊ុកថា៖ បើទាមទារយកដីមកវិញបានគ្រាន់តែដើររកស្នាមមេដៃ គឺដីដែលបាត់បង់ទាំងប៉ុន្មាននឹងយកមកវិញបានទាំងអស់ហឹម..យ៉ាប់ណាស់មនុស្សល្ងង់ប៉ុន្តែធ្វើចេះ មិនចេះអ្វីទៅហៅថាច្បាប់អន្តរជាតិផងនឹង ចង់ល្បីពេកប្រយ័ត្នគុក Calling។

សូមរំលឹកថា គណបក្សខ្មែរក្រោក កាលពីថ្ងៃទី៣១ ខែកក្កដា ឆ្នាំ២០១៨ បានចេញសេចក្តីជូនដំណឹងពីយុទ្ធនាការ ស្នាមមេដៃមួយដើម្បីកោះត្រល់ ដែលជាជំហានទី១ដើម្បីរៀបចំញត្តិប្តឹងទៅក្រុមប្រឹក្សាធម្មនុញ្ញនៃព្រះរាជាណាចក្រកម្ពុជា។

ដោយឡែក លោកបណ្ឌិតសភាចារ្យ សុខ ទូច ប្រធានរាជបណ្ឌិតសភា ចាត់ទុក​យុទ្ធនាការ​ប្រមូល​ស្នាម​មេដៃ​ទាមទារ​កោះត្រល់​ពី​វៀតណាម​មកវិញ​នេះ គឺជា​សកម្មភាព​ក្នុង​ទិដ្ឋភាព​នយោបាយ​សុទ្ធសាធ ហើយ​អះអាង​ថា​កោះត្រល់​មិនមែន​បាត់​ក្នុង​ជំនាន់​រដ្ឋាភិបាល​បច្ចុប្បន្ន​នេះ​ទេ គឺ​ត្រូវ​បាន​បាត់បង់​តាំង​ពី​មុន​សង្គម​រាស្ត្រនិយម​មក​ម្ល៉េះ គឺ​ជំនាន់​អាណានិគម​បារាំង​។

ទាក់ទងនឹងយុទ្ធនាការនេះផងដែរ ​នាយឧត្តម​សេនីយ៍​ ខៀវ ​សុភ័គ​ អ្ន​កនាំ​ពាក្យក្រសួង​មហា​ផ្ទៃ ​បាន​ថ្លែង​ថា ​ការធ្វើកិច្ចការអ្វី​ក៏ដោយទាក់ទងនឹងសន្តិសុខជាតិ គឺត្រូវ​បានមាន​លិខិត​ស្នើសុំទៅ​អាជ្ញាធរឱ្យបា​នត្រឹមត្រូវ​ ដោយអ​នុវត្តទៅ​តាម​ច្បាប់បាតុក​ម្មដោយ​សន្តិវិធី​។

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post