ភ្នំពេញៈ សេចក្ដីរាយការណ៍ពីភ្នាក់ងារ CAM POST បានប្រាប់ឲ្យដឹងថា មុននេះបន្តិច មានបុរសម្នាក់ ដែលគេស្គាល់ថា ជាមន្ត្រីប៉ូលិសនៃក្រសួងមហាផ្ទៃពាក់ស័ក្តិ៤កន្លះ បានបាញ់សម្លាប់ខ្លួននៅក្នុងបន្ទប់សណ្ឋាគារកូឡូសូ និងខារ៉ាអូខេកូឡូសូ Coloso ដោយមិនដឹងមូលហេតុ។
ហេតុការណ៍បាញ់សម្លាប់ខ្លួនឯងនេះ បង្កការភ្ញាក់ផ្អើលឡើងនៅវេលាម៉ោង១៖៥០នាទីរសៀល ថ្ងៃអង្គារ ទី១ ខែសីហា ឆ្នាំ២០១៨ នៅនៅក្នុងបន្ទប់សណ្ឋាគារកូឡូសូ និងខារ៉ាអូខេ Coloso តាមបណ្តោយផ្លូវ៣៦០ និងផ្លូវ៣៥០ ក្នុងសង្កាត់បឹងកេងកង៣ ខណ្ឌចំការមន រាជធានីភ្នំពេញ ។
ជនរងគ្រោះឈ្មោះ ឧមត្ត ភេទប្រុស អាយុ៣០ឆ្នាំ ជាមន្ត្រីនគរបាលនៃក្រសួងមហាផ្ទៃពាក់ស័ក្តិ៤កន្លះ ។
បច្ចុប្បន្នគេឃើញមានកម្លាំងសមត្ថកិច្ចជំនាញចុះមកកន្លែងកើតហេតុ ដើម្បីធ្វើការត្រួតពិនិត្យ និងធ្វើកោសល្យវិច័យសិន៕
