Sunday, August 26, 2018

គណ:បញ្ជាការឯកភាពខណ្ឌពោធិ៍សែនជ័យ ចុះបិទផ្អាកអាជីវកម្មហាងKTV រិទ្ធី សប្បាយ សប្បាយ ដែលរំខានប្រជាពលរដ្ឋ

អាម៉ាប៉ាប៉ាញ៉ូស

ភ្នំពេញៈ ហាងផឹកស៊ី KTV រិទ្ធី សប្បាយ សប្បាយ មួយកន្លែង ស្ថិតនៅតាមផ្លូវជាតិលេខ៣ កែងផ្លូវភូមិព្រៃព្រីងត្បូង២ សង្កាត់ចោមចៅ៣ ខណ្ឌពោធិ៍សែនជ័យ ត្រូវបាន គណបញ្ជាការឯកភាពខណ្ឌពោធិ៍សែនជ័យ ចុះបិទផ្អាកអាជីវកម្មជាបណ្តោះអាសន្ន ក្រោមការចោទប្រកាន់ បើកបម្រើសេវាកម្មពេលយប់ រំខានដល់ ពលរដ្ឋក្បែរខាង បើករំពងសម្លេង រកដេកពះនមិនបាន ទើបអាជ្ញាធរ សម្រេចចុះទៅបិទផ្អាកអាជីវកម្មជាបណ្តោះអាសន្ន កាលពីវេលាម៉ោង១១ព្រឹក ថ្ងៃទី២៦ ខែសីហា ឆ្នាំ២០១៨ ។

ប្រភពព័ត៌មានពីលោក​ ហុក​ សុទិត្យា មន្រ្តីសាលាខណ្ឌពោធិ៍សែនជ័យបានអោយដឹងថា​ ប្រត្តិបត្តិនៃការចុះបង្រ្កាបនេះគឺដោយសារ​ ហាងខារ៉ាអូខេយីហោ​ "រិទ្ធី​ សប្បាយ​ សប្បាយ​ KTV"​ បានបង្កសម្លេងរំខាន​ ដល់ប្រជាពលរដ្ឋជិតខាង​ ហើយក៏បានទទួលពាក្យបណ្តឹងពីប្រជាជនដែលរស់នៅជុំវិញនោះ​ ទើបសុំគោលការថ្នាក់លើចុះបិទតែម្តង។ លោកបានបន្តទៀតថា​ ហាងខារ៉ាអូខេយីហោខាងលើនេះ​ គឺមិនមានច្បាប់សុំការអនុញ្ញាតិបើកអាជីវកម្មត្រឹមត្រូវទេ។

ក្នុងប្រតិបត្តិការខាងលើ អាជ្ញាធរខណ្ឌ ដកហូត ឧបករណ៍ បំពងសម្លេង គ្រឿងអិឡិចត្រូនិច មួយចំនួន ផងដែរ តែមិនដឹងថា បើកបានវិញនៅពេលណានោះទេ ។

ចំពោះការចុះបង្រ្កាបហាងខាងលើនេះគឺជាលើកទី៣ហើយដែលអាជ្ញាធរសាលាខណ្ឌពោធិ៍សែនជ័យធ្លាប់បានធ្វើកិច្ចសន្យាជាមួយហាងនេះ​ តែមិនព្រមអនុវត្តន៍តាមកិច្ចសន្យាទើប​ សាលាខណ្ឌសម្រេចចិត្តចុះផ្អាកបណ្តោះអាសន្នតែម្តង៕

@Amapapa.News

Feature Ads