Thursday, August 9, 2018

ជនជាតិចិន ជាន់ហ្គែរច្រឡំថាហ្វ្រាំង បុកទម្លុះទ្វារកញ្ចក់ កាស៊ីណូ Oriental របួសភ្ញៀវខ្មែរម្នាក់

ពិសី

ព្រះសីហនុៈ បុរសជនជាតិខ្មែរម្នាក់ បានរងរបួសបាក់ជើងឆ្វេងធ្ងន់ធ្ងរ ក្រោយបុរសជនជាតិចិន បានបើករថយន្តថយក្រោយ ខ្វះការប្រុងប្រយ័ត្ន​ជាន់ហ្គែរច្រឡំថាជាន់​ហ្វ្រាំង ធ្វើឲ្យ​រថយន្តបន្ថែមល្បឿនស្ទុះទៅទម្លុះទ្វារកញ្ចក់កាស៊ីណូ oriental ហើយក៏បុកប៉ះភ្ញៀវជាជនជាតិខ្មែរតែម្ដង។

ករណីខាងលើនេះ បានកើតឡើងកាលពីវេលាម៉ោង៨៖៣០នាទីយប់ថ្ងៃពុធ ១២រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៨ ខែសីហា ឆ្នាំ២០១៨ ចុះពីរង្វង់មូលតោ មកប្រហែល៣០ម៉ែត្រ ក្រុងព្រះសីហនុ ខេត្តព្រះសីហនុ។

ក្រោយកើតហេតុ សមត្ថកិច្ចបានចុះ​មក​ធ្វើការវាស់វែងរួចរាល់ ក៏បញ្ជូនជនរងគ្រោះទៅមន្ទីរពេទ្យ។ ចំណែកជនបង្កប៉ូលិ​សបានឃាត់ខ្លួនបញ្ជូនទៅស្នងការដ្ឋាននគរបាល​ចរាចរណ៍​ ដើម្បីដោះស្រាយតាមផ្លូវច្បាប់៕

@Amapapa.News

Feature Ads