ព្រះសីហនុៈ បងប្អូនប្រជាពលរដ្ឋធ្វើដំណើរ មិនថាតាមរថយន្ត ម៉ូតូ ឬរ៉ឺម៉កកង់បីអ្វីឡើយ គួរតែប្រុងស្មារតីឲ្យបានខ្ពស់ ខណៈដែលភ្លៀងធ្លាក់ខ្លាំងប៉ុន្មានថ្ងៃជាប់ៗគ្នានេះ បណ្តាលឲ្យផ្លូវមួយចំនួនកើតសម្បុកមាន់ និងជង្ហុកធំៗ បណ្តាលឲ្យយានយន្តឆ្លងកាត់ មានការក្រឡាប់ជាបន្តបន្ទាប់ នៅថ្ងៃទី១៦ ខែកញ្ញា ឆ្នាំ២០១៨ នេះ។
សេចក្តីរាយការណ៍បានឲ្យដឹងថា តាមដងផ្លូវអូរ១, អូរ២, និងអូរ៣ គឺមានជង្ហុកធំៗ គួរឲ្យកត់សម្គាល់ ក្រោយពីភ្លៀងធ្លាក់ខ្លាំងរយះពេល២ទៅ៣ថ្ងែជាប់ៗគ្នារហូតមកដល់ថ្ងៃនេះ។
ប្រភពបានឲ្យដឹងថា នៅថ្ងៃនេះ ការធ្វើដំណើរតាមដងផ្លូវខាងលើរិតតែមានការពិបាកទៅៗ គឺបណ្តាលមកមានទឹកហូរដាច់ផ្លូវ បង្កជាជង្ហុកធំៗ សឹងតែគ្រប់កន្លែងតែម្តង។ ជាក់ស្ដែងនៅថ្ងែទី១៦ ខែកញ្ញា មានករណីអ្នកដំណើរតាមមធ្យោបាយយានយន្ត ធ្លាក់ក្នុងរណ្តៅជង្ហុក ដូចជា
នៅវេលាម៉ោង៨និង៤០នាទីព្រឹក រ៉ឺម៉កកង់បីមួយគ្រឿង បានក្រឡាប់, នៅវេលាម៉ោង៣រសៀល ថ្ងៃទី១៦ ខែកញ្ញា ឡានមួយគឿងបានជាប់ផុងនៅនឹងកន្លែងតែម្តង ហើយនៅវេលាម៉ោង៣និង៣៥នាទីរសៀល នេះដែរ ក្មេងប្រុសពីរនាក់បានដួលម៉ូតូធ្លាក់ក្នុងជង្ហុក ប៉ុន្តែមិនបង្កគ្រោះថ្នាក់ធ្ងន់ធ្ងរដល់អាយុជីវិតអ្វីឡើយ។
ពាក់ព័ន្ធករណីនេះ អាជ្ញាធរមានសមត្ថកិច្ចបានអំពាវនាវប្រជាពលរដ្ឋដែលរស់នៅក្នុងខេត្តព្រះសីហនុ ឲ្យមានការប្រុងប្រយ័ត្ន រាល់ការធ្វើដំណើរនៅតាមដងផ្លូវ ជាពិសេស ផ្លូវអូរមួយ, ផ្លូវអូរពីរ និងផ្លូវអូរបី ខាងលើនេះតែម្តង ៕
