Saturday, September 8, 2018

សម្តេចពិជ័យសេនា ទៀ បាញ់៖ ការតែងតាំងឧត្តមសេនីយ៍ឯក ហ៊ុន ម៉ាណែត ផ្អែកលើសមត្ថភាពទាំងស្រុង មិនមែនធ្វើឡើងតាមរយៈខ្សែស្រឡាយនោះទេ

រិទ្ធី

សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងបញ្ជាក់ថាការតែងតាំង ឧត្តមសេនីយ៍ឯក ហ៊ុន ម៉ាណែត ជាមេបញ្ជាការកងទ័ពជើងគោក គឺផ្អែកលើសមត្ថភាពទាំងស្រុង មិនមែនធ្វើឡើងតាមរយៈខ្សែស្រឡាយនោះទេ។

សម្តេចពិជ័យសេនា បន្ថែមថា៖ អ្នកខ្លះបានថា នេះបូកបញ្ជូលឥទ្ធិពលរបស់ឪពុក ប៉ុន្តែមិនបានមើលសមត្ថភាពរបស់ឧត្តមសេនីយ៍ឯក ហ៊ុន​ ម៉ាណែត ដ៏ជាក់លាក់ទេ។ បើគេបានមើលហើយ គេដឹង គេនឹងទទួលស្គាល់។

សម្រាប់កងយោធពលខេមរភូមិន្ទយើងខ្ញុំទាំងអស់សុទ្ធតែទទួលស្គាល់សមត្ថភាព និងកិច្ចការរបស់គេ ដែលបានធ្វើកន្លងមកនោះល្អប្រសើរណាស់ គ្រប់កិច្ចការងារទាំងអស់ដែលគេបានសាកល្បង សាកដឹកនាំ ទទួលបានជោគជ័យជាបន្តបន្ទាប់។

ការថ្លែងបែបនេះរបស់ សម្តេចពិជ័យសេនា ទៀ បាញ់ ធ្វើឡើង ក្នុង​ប្រកាសដំឡើងឋានន្តរស័ក្តិ និងតែងតាំងមុខតំណែងដល់មេទ័ពកំពូលថ្មីចំនួន៣រូប ដែលសម្តេចពិជ័យសេនាបាន​អញ្ជើញជាអធិបតីដ៏ខ្ពង់ខ្ពស់ កាលពីរសៀលថ្ងៃទី៧ ខែកញ្ញាឆ្នា២០១៨។

សូមបញ្ជាក់ថា ឧត្តមសេនីយ៍ឯក ​ហ៊ុន ម៉ាណែត​ មានតួនាទី​ជាមេបញ្ជាការកងទ័ពជើងគោក បន្ថែមលើតួនាទីបច្ចុប្បន្ន ជាអគ្គ​មេបញ្ជាការ​រង​នៃ​កង​យោធពល​ខេមរភូមិន្ទ​ និង​ជា​មេបញ្ជាការ​កង​អង្គភាព​ប្រឆាំង​អំពើ​ភេរវកម្ម។

@Amapapa.News

Feature Ads