Tuesday, September 11, 2018

​អធិការរង​ស្រុក​ក្រគរ ត្រូវរថយន្តបុកស្លាប់មួយរំពេច​

អាម៉ាប៉ាប៉ាញ៉ូស

ពោធិ៍សាត់ៈ លោកអធិការរងនគរបាលស្រុកក្រគរម្នាក់​ បានបាត់បង់ជីវិតភ្លាមៗនឹងកន្លែងកើតហេតុ ​ខណៈគាត់​កំពុងជិះម៉ូតូ ស្រាប់តែមានរថយន្តមួយគ្រឿងបើកបុក​ពេញទំហឹង។

គ្រោះថ្នាក់ចរាចរណ៍ខាងលើ​នេះ បានកើតឡើងកាលពី​វេលា​ម៉ោង៦និង១០នាទី​ល្ងាច ថ្ងៃទី១០ ខែកញ្ញា ឆ្នាំ ២០១៨ លើផ្លូវ​ជាតិ​លេខ៥ ចន្លោះ​គីឡូ​ម៉ែត១៦០-១៦១ ភូមិ​សារ​វ័​ន្ត ឃុំ​ស្នា​អ​ន្សា ស្រុក​ក្រគរ ខេត្តពោធិ៍សាត់។

សមត្ថកិច្ច បាន​ឲ្យដឹងថា រថយន្ត​បង្ក​ម៉ាក HYUNDAI ពាក់​ស្លាក​លេខ បាត់ដំបង 3A-2871 ពណ៌​ស ធ្វើដំណើរ​​ពី​លិចទៅ​កើតក្នុងល្បឿងយ៉ាងលឿន លុះមកដល់ចំណុចកើតហេតុ បានជ្រុលទៅ​បុក​ម៉ូតូម៉ាក Smash Rivo ពាក់​ស្លាក​លេខ​នគរបាល 1.2438 ពណ៌​ខ្មៅ ធ្វើដំណើរពី​កើ​តទៅ​លិច​បញ្ច្រាស​ទិស​គ្នា បណ្តាល​ឲ្យ​អ្នកបើក​ម៉ូតូស្លាប់ភ្លាមៗនៅនឹងកន្លែងកើតហេតុ។

សមត្ថកិច្ចបន្តថា ជនរងគ្រោះ​​ឈ្មោះ សាញ់ សាន់ ភេទប្រុស អាយុ៥៥ឆ្នាំ មុខរបរ​នគរបាល​ស្រុក​ក្រគរ ឋានន្តរស័ក្តិ​វរសេនីយ៍ត្រី ឋានៈអធិការ​ងស្រុកក្រគរ​។ ចំណែក​អ្នកបើកបរ​រថយន្ងបង្កឈ្មោះ សល់ ភេទ​ប្រុស អាយុ៤២ឆ្នាំ ។

ក្រោយ​កើតហេតុ​ជនបង្ក បាន​បើករថយន្ត​គេច​ចូល​តាមផ្លូវ​ចូលទៅ​វត្ត​សម្តេច​យស ហើយ​ទុក​រថយន្ត​ចោល រត់គេចខ្លួន​ចូល​ព្រៃ​បាត់៕

@Amapapa.News

Feature Ads